ຕາມຂ່າວແຈ້ງວ່າ,ລັດຖະບານຍີ່ປຸ່ນມີແຜນຈະຈັດວາງກອງທະຫານຕິດຕາມຝັ່ງທະເລຢູ່ເກາະໂຢນາກູນີຂອງແຂວງໂອຄີນາວະ,ກະຊວງປ້ອງກັນຍີ່ປຸ່ນກຳລັງຄົ້ນຄວ້າຈະສົ່ງກອງປ້ອງກັນຕົວກອງໃໝ່ໄປເກາະອິຊີກາຄີແລະເກາະມີຢາໂຄເພື່ອ ເພີ່ມກຳລັງປ້ອງກັນຕົວຢູ່ເກາະເຫຼົ່ານີ້.
ທ່ານຢາງອີຈຸ່ນ ໂຄສົກກະຊວງປ້ອງກັນປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບເລື່ອງນີ້ໃນກອງປະຊຸມຂ່າວຂອງກະຊວງປ້ອງກັນປະເທດຈີນໃນວັນທີ31ສິງຫານີ້ວ່າ,ຍ້ອນສາເຫດທາງປະຫວັດສາດ,ການເຄື່ອນໄຫວທາງການທະຫານໃດໆຂອງຍີ່ປຸ່ນລ້ວນແຕ່ຈະພາໃຫ້ປະເທດຕ່າງໆໃນອາຊີເປັນຫ່ວງແລະເກີດມີຄວາມສົງໃສ,ຍີ່ປຸ່ນຄວນອະທິບາຍເຈດຕະນາອັນແທ້ຈິງໃນການເພີ່ມກຳລັງຮົບຢູ່ເກາະຕ່າງໆທີ່ຢູ່ທາງທິດຕາເວັນຕົກສຽງໃຕ້ຂອງປະເທດ.ພ້ອມກັນນັ້ນ,ທ່ານຢາງອີຈຸ່ນຍັງກ່າວເນັ້ນວ່າ, ຈີນຍີ່ປຸ່ນພວມສຸມກຳລັງເຂົ້າໃນການຊຸກຍູ້ການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດ,ຍີ່ປຸ່ນຄວນທຳຄວາມພະຍາຍາມອັນຕັ້ງໜ້າເພື່ອເລື່ອງນີ້.
