ທ່ານໂຈ່ວຢົງຄ່າງວາງຂໍ້ສະເໜີ4ຂໍ້ກ່ຽວກັບການແລກປ່ຽນແລະຮ່ວມມືກັນລະຫວ່າງພັກການເມືອງຕ່າງໆຂອງອາຊີ
(GMT+08:00) 2011-09-05 17:05:25 cri
ວັນທີ4ກັນຍານີ້,ກອງປະຊຸມຫົວຂໍ້ສະເພາະຂອງພັກການເມືອງອາຊີໄຂຂຶ້ນຢູ່ເມືອງນານນີງ,ເທດສະບານເຂດເຜົ່າຈ້ວາງກວາງຊີຂອງຈີນ.ໃນພິທີໄຂກອງປະຊຸມ,ທ່ານໂຈ່ວຢົງຄ່າງ,ກຳມະການປະຈຳກົມການເມືອງ,ເລຂາຄະນະກຳມະການກົດໝາຍການເມືອງສູນກາງພັກຄອມມູນິດຈີນວາງຂໍ້ສະເໜີສີ່ຂໍ້ກ່ຽວກັບການລົງເລິກການແລກປ່ຽນແລະຮ່ວມມືກັນລະຫວ່າງພັກການເມືອງຕ່າງໆຂອງອາຊີ.
ຂໍ້ສະເໜີ4ຂໍ້ຄື:ພັກການເມືອງຕ່າງໆຂອງອາຊີຄວນຮັບຮູ້ທ່ວງທ່າການພັດທະນາຂອງຍຸກສະໄໝ,ປົກປັກຮັກສາຜົນປະໂຫຍດຮ່ວມກັນ;ຍຶດໝັ້ນການປະຕິບັດຕໍ່ກັນຢ່າງສະໝ່ຳສະເໝີກັນ,ຊຸກຍູ້ມິດຕະພາບລະຫວ່າງພັກການເມືອງຕ່າງໆ;ແລກປ່ຽນບົດຮຽນດ້ານການພັດທະນາ,ຊຸກຍູ້ການພັດທະນາຮ່ວມກັນ;ເປີດກວ້າງລະດັບການແລກປ່ຽນ,ເຮັດໃຫ້ການຮ່ວມມືມີເນື້ອໃນອຸດົມສົມບູນກວ່າເກົ່າ.
ຜູ່ແທນຈາກຫຼາຍພັກການເມືອງທີ່ມາຈາກ26ປະເທດແລະອົງການພັກການເມືອງສາກົນທີ່ກ່ຽວຂ້ອງທັງໝົດ137ຄົນໄດ້ເຂົ້າຮ່ວມກອງປະຊຸມຄັ້ງນີ້.
