ຈີນຈະຍຶດໝັ້ນແນວຄິດປົກຄອງປະເທດທີ່ຖືຊີວິດການເປັນຢູ່ຂອງປະຊາຊົນເປັນສິ່ງສຳ ຄັນອັນດັບໜຶ່ງ
(GMT+08:00) 2011-09-05 18:43:37 cri
ວັນທີ4ກັນຍານີ້,ທ່ານໂຈ່ວຢົງຄ່າງ,ກຳມະການປະຈຳກົມການເມືອງສູນກາງພັກຄອມມູນິດ ຈີນ,ເລຂາຄະນະກຳມະການກົດໝາຍການເມືອງສູນກາງພັກຄອມມູນິດຈີນກ່າວວ່າ,ພັກແລະລັດຈີນຈະຍຶດໝັ້ນແນວຄິດປົກຄອງປະເທດທີ່ຖືຊີວິດການເປັນຢູ່ຂອງປະຊາຊົນເປັນສິ່ງສຳຄັນອັນດັບໜຶ່ງ,ຖືການປົກປັກຮັກສາ,ພັດທະນາຜົນປະໂຫຍດພື້ນຖານຂອງປະຊາຊົນໃຫ້ບັນລຸຜົນເປັນຈິງເປັນຈຸດເລີ່ມຕົ້ນແລະຈຸດໝາຍປາຍທາງຂອງວຽກງານທັງໝົດ.
ວັນທີ4ກັນຍານີ້,ໃນເວລາເຂົ້າຮ່ວມພິທີໄຂກອງປະຊຸມຫົວຂໍ້ສະເພາະຂອງພັກການເມືອງອາຊີ,ທ່ານໂຈ່ວຢົງຄ່າງກ່າວເນັ້ນວ່າ,ປະຈຸບັນນີ້,ບັນຫາການພັດທະນາຂອງຈີນທີ່ຍັງມີຄວາມບໍ່ສະໝ່ຳສະເໝີກັນ,ບໍ່ດຸນດ່ຽງກັນແລະບໍ່ແມ່ນແບບຍືນຍົງນັ້ນຍັງຈະແຈ້ງທີ່ສຸດ, ການເຮັດແນວໃດເພື່ອແບ່ງປັນຄວາມຮັ່ງມີຂອງສັງຄົມເປັນຢ່າງດີ,ເຮັດໃຫ້ປະຊາຊົນທຸກຖ້ວນໜ້າໄດ້ຮັບຜົນປະໂຫຍດຈາກການປະຕິຮູບແລະການພັດທະນາຮ່ວມກັນນັ້ນແມ່ນໜ້າທີ່ສຳຄັນທີ່ສຸດຂອງພັກແລະລັດຖະບານຈີນ.ເພື່ອເຮັດໃຫ້ເລື່ອງນີ້ປະສົບຜົນສຳເລັດ, ຈີນໄດ້ວາງແຜນການພັດທະນາເສດຖະກິດສັງຄົມ5ປີຄັ້ງທີ12,ໂດຍຖືເອົາການພັດທະນາແບບວິທະຍາສາດເປັນຫົວຂໍ້ຕົ້ນຕໍ,ຖືການຫັນປ່ຽນຮູບການພັດທະນາເສດຖະກິດເປັນເສັ້ນ ທາງຕົ້ນຕໍ,ເພີ່ມທະວີການເຜີຍແຜ່ແນວຄິດທີ່ຖືຊີວິດການເປັນຢູ່ຂອງປະຊາຊົນເປັນສິ່ງສຳ ຄັນອັນດັບໜຶ່ງ,ໄດ້ວາງ10ແຜນການດຳເນີນ ງານດ້ານການປົວແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ພະຍາຍາມເຮັດໃຫ້ປະຊາຊົນທຸກຖ້ວນໜ້າສາມາດເຂົ້າໂຮງຮຽນໄດ້ໃນຍາມຮຽນ,ອອກແຮງງານແລ້ວຈະໄດ້ຮັບລາຍໄດ້ຢ່າງສົມເຫດສົມຜົນ,ເປັນພະຍາດແລ້ວສາມາດໄດ້ຮັບການປິ່ນປົວໃນໂຮງໝໍ,ມີເຮືອນຢູ່ແລະມີເງິນສະຫວັດດີການໃຫ້ຜູ່ເຖົ້າຜູ່ແກ່.
