ພົບເຫັນໝື້ລະເບີດເປັນຈຳນວນຫຼວງຫຼາຍຢູ່ນະຄອນຫຼວງຕຼີໂປລີຂອງລີບີ
(GMT+08:00) 2011-09-06 17:52:39 cri
ຂ່າວສານລີບີລາຍງານໃນວັນທີ5ກັນຍານີ້ວ່າ, ກຸ່ມປະກອບອາວຸດຕໍ່ຕ້ານລັດຖະບານລີບີໄດ້ພົບເຫັນລົດເມທີ່ບັນທຸກໝື້ລະເບີດຈຳນວນ25ຄັນຢູ່ໃນຄ້າຍທະຫານແຫ່ງໜຶ່ງຂອງກອງທະຫານທ່ານກັດດາຟີ,ຜູ້ນຳຝ່າຍຕໍ່ຕ້ານລັດຖະບານລີບີຄາດຄະເນວ່າ, ໝື້ລະເບີດເຫຼົ່ານີ້ແມ່ນກອງທະຫານທີ່ຈົງຮັກພັກດີຕໍ່ທ່ານກັດດາຟີກອງໜຶ່ງເອົາມາຊຸກເຊື່ອງໄວ້ເພື່ອທຳການຫຼອນໂຈມຕີອຳນາດການປົກຄອງໃໝ່.
ຕອນຄ່ຳມື້ດຽວກັນ, ທ່ານໂມຊາ ອີບຼາຮີມ, ໂຄສົກຂອງລັດຖະບານກັດດາຟີກ່າວຕໍ່ສື່ມວນຊົນລີບີວ່າ, ປະຈຸບັນ, ສຸຂະພາບຂອງທ່ານກັດດາຟີຍັງແຂງແຮງດີຢູ່, ທ່ານພວມວາງແຜນແລະຈັດວາງການເຄື່ອນໄຫວປ້ອງກັນລີບີຢູ່. ທ່ານອີບຼາຮີມກ່າວວ່າ, ປະຊາຊົນລີບີຈາກຫຼາຍກຸ່ມຫຼາຍເຜົ່າຈະສືບຕໍ່ປ້ອງກັນເມືອງເສລີພາບ,ແລະຈະຍາດເອົາເມືອງທີ່ຖືກກຸ່ມປະກອບອາວຸດຕໍ່ຕ້ານລັດຖະບານລີບີຍຶດຍອງນັ້ນກັບຄືນມາ.
