ການກໍ່ສ້າງເຂດສວນຮ່ວມມືທາງວິທະຍາສາດເຕັກນິກດ້ານກະສິກຳແບບທັນສະໄໝຂອງຈີນ-ອາຊຽນໄດ້ຮັບອະນຸມັດແລ້ວ
(GMT+08:00) 2011-09-06 17:50:44 cri
ຕາມຂ່າວຈາກວິທະຍຸຕໍ່ຕ່າງປະເທດຂອງກວາງຊີ:ຫວ່າງມໍ່ໆນີ້,ເຂດສວນຮ່ວມມືທາງວິທະຍາສາດເຕັກນິກດ້ານກະສິກຳແບບທັນສະໄໝຂອງຈີນ-ອາຊຽນທີ່ກວມເນື້ອທີ່8ລ້ານຕາແມັດແລະລົງທຶນ13ຕື້ຢວນນັ້ນໄດ້ຮັບການອະນຸມັດຈາກຄະນະກຳມະການປະຕິຮູບແລະພັດທະນາຂອງເຂດກວາງຊີຈີນແລ້ວ.
ການກໍ່ສ້າງເຂດສວນນີ້ແມ່ນໜ້າທີ່ການກໍ່ສ້າງອັນສຳຄັນທີ່ລະບຸໄວ້ໃນ"ຄວາມເຫັນຕ່າງໆຂອງລັດຖະບານຈີນກ່ຽວກັບການຊຸກຍູ້ການພັດທະນາເສດຖະກິດສັງຄົມຂອງເຂດກວາງຊີ".ເຂດສວນນີ້ຈະແບ່ງເປັນສາມພາກ,ຄື:ເຂດການຄົ້ນຄວ້າພັດທະນາວິທະຍາສາດເຕັກນິກດ້ານກະສິກຳ,ເຂດການສຶກສາວັດທະນະທຳ,ແລະເຂດການຄ້າແລະການຈໍລະຈອນສິນຄ້າ.
ການກໍ່ສ້າງເຂດສວນນີ້ຈະໃຊ້ເວລາ5ປີ,ແບ່ງເປັນສອງໄລຍະ,ໄລຍະທີໜຶ່ງແຕ່ປີ2011ຫາປີ2012,ຈະນຳໃຊ້ທຶນ7ຕື້ຢວນ;ໄລຍະທີສອງແຕ່ປີ2013ຫາປີ2015,ຈະນຳໃຊ້ທຶນ6ຕື້ຢວນ.ເງິນທຶນຈາກລັດຖະບານຈະນຳໃຊ້ເຂົ້າໃນໂຄງການກໍ່ສ້າງພື້ນຖານແລະກໍ່ສ້າງສິ່ງສາທາລະນະປະໂຫຍດຕ່າງໆ,ເປັນຕົ້ນແມ່ນ:ການຄົ້ນຄວ້າແລະການເຜີຍແຜ່ເຕັກນິກວິທະຍາສາດ;ສ່ວນເງິນລົງທຶນຂອງໂຄງການກໍ່ສ້າງອື່ນໆຊອກຫາດ້ວຍຫຼາຍຊ່ອງທາງຈາກສັງຄົມ.
