ວິກິດການໜີ້ສິນພາກລັດຂອງເອີຣົບຮ້າຍແຮງຂຶ້ນຕື່ມ
(GMT+08:00) 2011-09-06 18:17:31 cri
ຍ້ອນວ່າຂໍ້ມູນຕົວເລກດ້ານການປະກອບອາຊີບຂອງອາເມລິກາບໍ່ດີປານໃດແລະວິກິດການໜີ້ສິນພາກລັດຂອງເອີຣົບມີຄວາມສ່ຽງທີ່ຈະແຜ່ຂະຫຍາຍກວ້າງອອກ,ໃນວັນທີ5ກັນ ຍານີ້,ຕະຫຼາດຫຸ້ນສຳຄັນຂອງເອີຣົບຕົກຕ່ຳລົງຢ່າງຮ້າຍແຮງອີກຄັ້ງໜຶ່ງ,ເຮັດໃຫ້ຄວາມປັ່ນປ່ວນຮອບໃໝ່ທີ່ເລີ່ມຈາກທ້າຍອາທິດຜ່ານມາຍັງສືບຕໍ່ປັ່ນປ່ວນຕໍ່ໄປອີກ.
ໃນຕອນເຊົ້າວັນທີ5ກັນຍານີ້,ຕະຫຼາດຫຸ້ນຂອງຝະຣັ່ງ,ອັງກິດແລະເຢຍລະມັນເປີດຕະຫຼາດດ້ວຍດັດຊະນີທີ່ຕ່ຳຢູ່ແລ້ວແລະຕົກຕ່ຳລົງອີກ,ໃນຍາມໃກ້ຈະປິດຕະຫຼາດໄດ້ຕົກຕ່ຳລົງຫຼາຍ,ເມື່ອປິດຕະຫຼາດຈຶ່ງເພີ່ມຂຶ້ນໜ້ອຍໜຶ່ງ.
ໃນມື້ດຽວກັນ,ທ່ານຢາງ ຄຼາວດ໌ ຕຼິເຊ,ຜູ່ວ່າການທະນາຄານກາງເອີຣົບແລະທ່ານມາຣິໂອ ດຼາກີ,ຜູ່ທີ່ຖືກຄາດວ່າຈະຂຶ້ນຮັບຕຳແໜ່ງເປັນຜູ່ວ່າການທະນາຄານກາງເອີຣົບຜູ່ໃໝ່ພາ ກັນຮຽກຮ້ອງໃຫ້ປະຕິບັດສັນຍາທີ່ຜູ່ນຳຂອງປະເທດທີ່ໃຊ້ເງິນເອີໂຣລົງນາມເພື່ອຊ່ວຍເຫຼືອກອບກູ້ວິກິດການໜີ້ສິນເກຼັກໂດຍໄວ.
