ໂຄສົກກະຊວງການຕ່າງປະເທດຈີນກ່າວວ່າ ຈີນຮັບຮອງຄະນະກຳມະການຂ້າມຜ່ານແຫ່ງຊາດລີບີແຕ່ຕ້ອງເປັນໄປຕາມລະບຽບແບບແຜນ
(GMT+08:00) 2011-09-07 17:01:41 cri
ຕາມຂ່າວສານຊິນຮວາ, ວັນທີ6ກັນຍານີ້, ນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ສະຫະປະຊາຊາດຄວນເສີມຂະຫຍາຍບົດບາດນຳໜ້າໃນການສ້າງສາລີບີຄືນໃໝ່ພາຍຫຼັງສົງຄາມ. ປະຊາຄົມໂລກຄວນສະໜັບສະໜູນການສ້າງສາຄືນໃໝ່ຂອງລີບີພາຍໃຕ້ຂອບສະຫະປະຊາຊາດ. ຈີນຍິນດີຮ່ວມກັບປະຊາຄົມໂລກ, ໃນການຊຸກຍູ້ສະຖານະການຢູ່ລີບີໃຫ້ຜ່ອນຄາຍລົງ, ເຮັດໃຫ້ລີບີກ້າວເຂົ້າສູ່ເສັ້ນທາງສັນຕິພາບ, ຄວາມສາມັກຄີປອງດອງຊາດແລະສ້າງສາຄືນໃໝ່ໂດຍໄວ.
ໃນເວລານາງຈ່ຽງອີຕອບຄຳຖາມຂອງນັກຂ່າວກ່ຽວກັບຖານະຂອງຄະນະກຳມະການຂ້າມຜ່ານແຫ່ງຊາດໃນກອງປະຊຸມຂ່າວ, ນາງຈ່ຽງອີກ່າວວ່າ, ຈີນຮັບຮອງຖານະຂອງຄະນະກຳມະການຂ້າມຜ່ານແຫ່ງຊາດແຕ່ຕ້ອງເປັນໄປຕາມລະບຽບແບບແຜນ. ນາງກ່າວວ່າ, ສະຖານະການບໍ່ສະຫງົບຢູ່ລີບີຈະເປັນໄລຍະຊົ່ວຄາວເທົ່ານັ້ນ, ຈີນແລະລີບີຈະເປັນເພື່ອນມິດຖາວອນ. ຈີນເອົາໃຈໃສ່ນຳຖານະແລະບົດບາດຂອງຄະນະກຳມະການຂ້າມຜ່ານແຫ່ງຊາດ, ຍິນດີຮັກສາການແລກປ່ຽນຢ່າງແໜ້ແຟ້ນກັບຄະນະກຳມະການດັ່ງກ່າວ, ຊຸກຍູ້ໃຫ້ການພົວພັນລະຫວ່າງສອງຝ່າຍສືບຕໍ່ກ້າວໄປໜ້າຢ່າງໜັກແໜ້ນ.
