ມຽນມາສ້າງຕັ້ງຄະນະກຳມະການສິດທິມະນຸດ
(GMT+08:00) 2011-09-07 18:20:59 cri
ຕາມຂ່າວຈາກໜັງສືພິມ"ນິວແລັທ໌ມຽນມາ"ສະບັບວັນທີ6ກັນຍານີ້:ລັດຖະບານໃໝ່ຂອງມຽນມາຈະສ້າງຕັ້ງຄະນະກຳມະການສິດທິມະນຸດແຫ່ງຊາດ,ເພື່ອຮັບຜິດຊອບໃນການສຳຫຼວດຄະດີວ່າດ້ວຍການລ່ວງລ້ຳສິດທິມະນຸດຂອງມຽນມາ.
ໜັງສືພິມສະບັບນີ້ຂຽນວ່າ,ຄະນະກຳມະການສິດທິມະນຸດຄະນະນີ້ຈະປະກອບດ້ວຍພະນັກງານທີ່ພັກຜ່ອນຮັບເບ້ຍບຳນານ15ຄົນ,ຈະເຮັດໜ້າທີ່ໃນການປົກປ້ອງສິດແລະຜົນປະໂຫຍດອັນພື້ນຖານທີ່ຄວນມີຂອງປະຊາຊົນມຽນມາພາຍໃນລັດຖະທຳມະນູນສະບັບປີ2008.ພາຍຫຼັງທ່ານໂທມັສ ໂອເຈຍ ກຸນຕານາ,ທູດພິເສດສະຫະປະຊາຊາດທີ່ຮັບຜິດຊອບວຽກສິດທິມະນຸດຂອງມຽນມາຢ້ຽມຢາມຢາງກຸງໃນເດືອນສິງຫາແລ້ວນີ້,ລັດຖະບານໃໝ່ຂອງມຽນມາຈຶ່ງຕົກລົງສ້າງຕັ້ງຄະນະກຳມະການນີ້ຂຶ້ນມາ.
