ລັດຖະມົນຕີການຕ່າງປະເທດຈີນກ່າວວ່າ,ການເຮັດໃຫ້ທົ່ວໂລກບັນລຸການພັດທະນາແບບຍືນຍົງຄວນເຄົາລົບແລະປະຕິບັດຕາມ5ຫຼັກການ
(GMT+08:00) 2011-09-08 16:17:28 cri
ວັນທີ8ກັນຍານີ້,ຢູ່ທີ່ປັກກິ່ງ,ທ່ານຢາງເຈຊື,ລັດຖະມົນຕີວ່າການກະຊວງການຕ່າງປະເທດຈີນກ່າວວ່າ,ເພື່ອຊຸກຍູ້ໃຫ້ກອງປະຊຸມສະຫະປະຊາຊາດກ່ຽວກັບການພັດທະນາແບບຍືນຍົງໃນປີ2012ໄດ້ຮັບໝາກຜົນທີ່ດີ,ຊຸກຍູ້ຂະບວນການພັດທະນາແບບຍືນຍົງຂອງໂລກຢ່າງຮອບດ້ານ,ປະຊາຄົມໂລກຄວນເຄົາລົບແລະປະຕິບັດຕາມ5ຫຼັກການ.
5ຫຼັກການນີ້ຄື:ເຄົາລົບປະຕິບັດນ້ຳໃຈແລະຫຼັກການຣີໂອເດີຈາເນໂຣ,ໂດຍສະເພາະແມ່ນຫຼັກການທີ່"ມີໜ້າທີ່ຮ່ວມກັນແລະໜ້າທີ່ບໍ່ທໍ່ກັນ";ຍຶດໝັ້ນຊຸກຍູ້ການພັດທະນາແບບຍືນຍົງຂອງເສດຖະກິດ,ສັງຄົມແລະສິ່ງແວດລ້ອມໃຫ້ສະໝ່ຳສະເໝີແລະປະສານສົມທົບກັນ;ເຄົາລົບໃຫ້ປະເທດຕ່າງໆພັດທະນາສິດເປັນເຈົ້າຕົນເອງຢ່າງຕໍ່ເນື່ອງ;ຍຶດໝັ້ນຫຼັກກນທີ່ສ້າງການພົວພັນຄູ່ຮ່ວມມືແບບກວ້າງຂວາງ;ໂດຍສະເພາະແມ່ນເນັ້ນໃສ່ແກ້ໄຂຄວາມເອົາໃຈໃສ່ຂອງປະເທດທີ່ພວມພັດທະນາ.
ທ່ານຢາງເຈຊືໄດ້ໃຫ້ທັດສະນະດັ່ງກ່າວໃນພິທີໄຂງານຄົ້ນຄວ້າສຳມະນາລະດັບສູງຂອງກອງປະຊຸມສະຫະປະຊາຊາດກ່ຽວກັບການພັດທະນາແບບຍືນຍົງທີ່ຈັດຂຶ້ນໃນວັນທີ8ກັນຍານີ້.ງານຄົ້ນຄວ້າສຳມະນາເທື່ອນີ້ຈັດຂຶ້ນຢູ່ປັກກິ່ງແຕ່ວັນທີ8ຫາວັນທີ9ກັນຍານີ້,ແມ່ນອົງປະກອບອັນສຳຄັນຂອງວຽກກະກຽມໃຫ້ແກ່ກອງປະຊຸມສະຫະປະຊາຊາດກ່ຽວກັບການພັດທະນາແບບຍືນຍົງທີ່ຈະຈັດຂຶ້ນຢູ່ຣີໂອເດີຈາເນໂຣ,ປະເທດເບຼຊິນໃນປີ2012.
