ທ່ານກັດດາຟີອອກສຽງອີກເພື່ອປະຕິເສດຖ້ອຍຄວາມທີ່ວ່າທ່ານໄດ້ໜີໄປປະເທດໃກ້ຄຽງ
(GMT+08:00) 2011-09-08 19:48:59 cri
ວັນທີ8ກັນຍານີ້,ສື່ມວນຊົນຊີຣີນຳເອົາສຽງຂອງທ່ານມູອຳມາ ກັດດາຟີທີ່ໄດ້ກ່າວປະຕິເສດບົດລາຍງານຂ່າວກ່ຽວກັບທ່ານໄດ້ໜີໄປນີເຊອອກອາກາດ.ໃນສຽງນັ້ນ,ທ່ານກັດດາຟີກ່າວວ່າ,ການລາຍງານຂ່າວກ່ຽວກັບບັນຫາທີ່ວ່າທ່ານໜີໄປນີເຊນັ້ນແມ່ນຮູບແບບການດຳເນີນສົງຄາມທາງຈິດຕະສາດແລະເປັນຄຳເວົ້າທີ່ບໍ່ມີຄວາມຈິງຂອງປະເທດຕາເວັນຕົກ.
ກ່ອນໜ້ານີ້ມີສື່ມວນຊົນຕ່າງປະເທດເຄີຍລາຍງານວ່າ,ມີຂະບວນລົດທີ່ເປັນລົດຂອງທະຫານຂອງທ່ານກັດດາຟີປະມານ200ຫາ250ຄັນໄດ້ເຂົ້າສູ່ເຂດພາກເໜືອຂອງນີເຊໃນວັນທີ5ກັນຍາແລ້ວນີ້,ທ່ານກັດດາຟີອາດຈະເຂົ້າຮ່ວມຂະບວນລົດນີ້ແລ້ວໜີໄປບູກີນາ-ຟາໂຊ.
ກ່ຽວກັບເລື່ອງນີ້,ໃນວັນທີ7ກັນຍານີ້,ລັດຖະບານບູກີນາ-ຟາໂຊແລະລັດຖະບານນີເຊລ້ວນແຕ່ໄດ້ປະຕິເສດການລາຍງານດັ່ງກ່າວ,ແລະກ່າວວ່າ,ທ່ານກັດດາຟີບໍ່ຢູ່ພາຍໃນສອງປະເທດນີ້.
ນອກນີ້,ກ່ຽວກັບເລື່ອງທີ່ຄະນະກຳມະການຂ້າມຜ່ານແຫ່ງຊາດຂອງລີບີຮຽກຮ້ອງໃຫ້ນີເຊປິດຊາຍແດນລະຫວ່າງສອງປະເທດນັ້ນ,ກະຊວງການຕ່າງປະເທດນີເຊກ່າວວ່າ,ນີເຊກັບຊີຣີມີເສັ້ນຊາຍແດນຍາວໂພດ,ການທີ່ເຮັດໃຫ້ນີເຊປິດຊາຍແດນໝົດເພື່ອປ້ອງກັນບໍ່ໃຫ້ທ່ານກັດດາຟີເຂົ້າສູ່ນີເຊນັ້ນແມ່ນເລື່ອງທີ່ເປັນໄປບໍ່ໄດ້.
