ຈີນຖືກຈັດລຽງຢູ່ໃນອັນດັບທີ26ໃນ"ບົດລາຍງານກຳລັງແກ່ງແຍ່ງທົ່ວໂລກ"ສະບັບຫຼ້າສຸດ
(GMT+08:00) 2011-09-08 19:54:26 cri
ວັນທີ7ກັນຍານີ້,ເວທີປຶກສາຫາລືເສດຖະກິດໂລກເຜີຍແຜ່"ບົດລາຍງານກຳລັງແກ່ງແຍ່ງທົ່ວໂລກປີ2011-2012",ສະວິສຖືກຈັດລຽງຢູ່ອັນດັບທີ1ຕິດຕໍ່ກັນເປັນປີທີສາມ,ແມ່ນປະເທດທີ່ມີກຳລັງແກ່ງແຍ່ງແຂງແຮງທີ່ສຸດໃນທົ່ວໂລກ.ສິງກະໂປໄດ້ເຂົ້າແທນຊູແອັດຂຶ້ນເປັນອັນດັບທີ2,ກາຍເປັນປະເທດທີ່ມີກຳລັງແກ່ງແຍ່ງແຂງແຮງທີ່ສຸດໃນເຂດອາຊີ;ສ່ວນຈີນມີຄວາມກ້າວໜ້າຕໍ່ໄປເລື່ອຍໆແລະຖືກຈັດລຽງຢູ່ໃນອັນດັບທີ26,ນຳໜ້າ4ປະເທດອື່ນໃນ5ປະເທດບຼິກສ໌ ຄື:ອາຟຼິກາໃຕ້,ເບຼຊິນ,ອິນເດຍແລະຣັດເຊຍ.
ວັນທີ7ກັນຍານີ້,ເຈົ້າໜ້າທີ່ຂອງເວທີປຶກສາຫາລືເສດຖະກິດໂລກກ່າວວ່າ,ເຖິງວ່າໃນບັນ ດາປະເທດທີ່ລຽງອັນດັບແຕ່ທີ1ຫາທີ30,ມີປະເທດອາຊີຈຳນວນບໍ່ໜ້ອຍ,ແຕ່ອັນດັບຂອງບາງປະເທດທີ່ພວມພັດທະນາຂອງອາຊີ ເຊັ່ນ:ອິນໂດເນເຊຍ,ອິນເດຍແລະຫວຽດນາມເປັນຕົ້ນພັດບໍ່ມີຄວາມກ້າວໜ້າ.ເວທີປຶກສາຫາລືເສດຖະກິດໂລກວິເຄາະວ່າ,ນີ້ແມ່ນຍ້ອນ ປະເທດອາຊີເຫຼົ່ານີ້ຍັງບໍ່ມີການປະຕິຮູບແລະການລົງທຶນທີ່ເປັນກຳລັງແຮງຊຸກຍູ້ການເຕີບໂຕ.
ສ່ວນອັນດັບຂອງອາເມລິກາທີ່ຕົກຢູ່ໃນສະພາບວິກິດການການເງິນແລະວິກິດການໜີ້ສິນນັ້ນພັດຫຼຸດລົງຢ່າງລຽນຕິດເປັນປີທີ3,ປີນີ້ໄດ້ຫຼຸດຈາກອັນດັບທີ1ຫຼຸດລົງມາເປັນອັນດັບທີ5.
