ໄພແຫ້ງແລ້ງຢູ່ພາກຕາເວັນຕົກສຽງເຫນືອຂອງຈີນເຮັດໃຫ້ 12 ລ້ານກວ່າຄົນຂາດນ້ຳ
(GMT+08:00) 2011-09-09 16:21:08 cri
ຕົວເລກສະຖິຕິຫລ້າສຸດສະແດງໃຫ້ເຫັນວ່າ:ນັບມາຮອດວັນທີ 8 ກັນຍານີ້,ຢູ່ 5 ເຂດແຂວງຄື ແຂວງກຸ້ຍໂຈວ,ແຂວງຢຸນນານ,ແຂວງເຊຊວນ,ນະຄອນຈຸ່ງກິ່ງແລະເຂດເຜົ່າຈ້ວງກວາງຊີທີ່ຢູ່ພາກຕາເວັນຕົກສຽງໃຕ້ຂອງຈີນທີ່ເກີດໄພແຫ້ງແລ້ງ,ເນື້ອທີ່ປູກຝັງທີ່ຖືກຜົນກະທົບນັ້ນມີເຖິງ 3 ລ້ານ 4 ແສນ 1 ຫມື່ນ 2 ພັນເຮັກຕາ,ປະຊາຊົນ 12 ລ້ານ 6 ແສນ 4 ຫມື່ນຄົນກັບສັດ 6 ລ້ານ 1 ແສນ 6 ຫມື່ນໂຕຂາດນ້ຳດຶ່ມ.
ໄພແຫ້ງແລ້ງເທື່ອນີ້ເກີດແຕ່ຕົ້ນເດືອນກໍລະກົດປີນີ້, ໄດ້ສົ່ງຜົນກະທົບຢ່າງຮ້າຍແຮງໄປຍັງການຜະລິດແລະຊີວິດການເປັນຢູ່ຂອງປະຊາຊົນຢູ່ເຂດດັ່ງກ່າວ. ວັນທີ 8 ກັນຍານີ້, ຫ້ອງການຊີ້ນຳການຕ້ານແລ້ງຕ້ານຖ້ວມແຫ່ງຊາດຈີນໄດ້ໃຊ້ມາດຕະການຕ້ານແລ້ງລະດັບ 3 ,ຮຽກຮ້ອງໃຫ້ແຫ່ງຕ່າງໆຕິດຕາມສະພາບຝົນຕົກ, ສະພາບນ້ຳໃນແມ່ນ້ຳຕ່າງໆພ້ອມກັບສະພາບແຫ້ງແລ້ງຢ່າງໃກ້ຊິດ, ເພື່ອຮັບປະກັນໃຫ້ປະຊາຊົນມີນ້ຳໃຊ້ໃນຊີວິດປະຈຳວັນຢ່າງພຽງພໍ,ເພີ່ມງົບປະມານຕ້ານແລ້ງໃຫ້ຫລາຍຂຶ້ນ, ຄົ້ນຄວ້າແລະວາງນະໂຍບາຍໃຫ້ສິດທິພິເສດໃນການຕ້ານແລ້ງ, ພ້ອມກັນນັ້ນຍັງຈະສົ່ງວັດຖຸຕ້ານແລ້ງຂອງສູນກາງໄປໃຫ້ເຂດປະສົບໄພແຫ້ງແລ້ງ.
ມື້ດຽວກັນ, ກະຊວງການປົກຄອງແລະປະຊາສົງເຄາະຈີນໄດ້ອອກແຈ້ງການຮຽກຮ້ອງໃຫ້ພາກສ່ວນການປົກຄອງແລະປະຊາສົງເຄາະທຸກຂັ້ນຕ້ອງຈັດວາງຊີວິດການເປັນຢູ່ພື້ນຖານຂອງປະຊາຊົນຢູ່ເຂດປະສົບໄພແຫ້ງແລ້ງໃຫ້ດີ, ນຳໃຊ້ທຶນກູ້ໄພປະເພດຕ່າງໆທີ່ທາງສູນກາງແລະທ້ອງຖີ່ນເບີກໃຫ້ນັ້ນໃຫ້ດີ.
