ຝ່າຍຕໍ່ຕ້ານລັດຖະບານລີບີຈະສຳເລັດວຽກງານຍ້າຍນະຄອນຫລວງໃນ ອາທິດຫນ້າ ສານອາດຍາສາກົນຮຽກຮ້ອງໃຫ້ຕຳຫລວດອາດຍາສາກົນຈັບຕົວທ່ານກັດດາຟີ
(GMT+08:00) 2011-09-09 16:22:09 cri
ວັນທີ 8ກັນຍານີ້, ທ່ານມາມຸດຈາບຼີຣ ປະທານຄະນະກຳມະການປະຕິບັດງານຂອງຄະນະກຳມະການຂ້າມຜ່ານແຫ່ງຊາດລີບີກ່າວວ່າ, ຄະນະກຳມະການຂ້າມຜ່ານແຫ່ງຊາດພ້ອມກັບຄະນະກຳມະການປະຕິບັດງານຈະສຳເລັດວຽກງານຍ້າຍນະຄອນຫລວງໃນອາທິດຫນ້າ.
ທ່ານຈາບຼີຣໃຫ້ຄຳຫມັ້ນສັນຍາວ່າ:ເມື່ອສ້າງຕັ້ງລັດຖະບານຂ້າມຜ່ານຫລືຊົ່ວຄາວແລ້ວ, ຈະວາງລັດຖະທຳມະນູນ.ຖ້າເກີດການຕໍ່ສູ້ກັນທາງການເມືອງໃນພາຍຫນ້າແລ້ວ, ທ່ານຈະຖອນຕົວອອກ.ພ້ອມກັນນັ້ນ, ທ່ານຊີ້ອອກວ່າ, ການພົວພັນລະຫວ່າງລີບີກັບອານບານີທີ່ເປັນປະເທດໃກ້ຄຽງນັ້ນຍັງເຄັ່ງຕຶງຢູ່ຄືເກົ່າ, ສອງຝ່າຍຄວນຮັກສາຄວາມອົດກັ້ນໄວ້.
ມື້ດຽວກັນ, ທ່ານມເມຊາເຮລ ຜູ່ແທນລະດັບລັດຖະມົນຕີຂອງກະຊວງການຕ່າງປະເທດອານເຊລີທີ່ຮັບຜິດຊອບວຽກມາກຼິບແລະອາຟຼີກາກ່າວວ່າ, ການແຜ່ຜາຍອາວຸດຢ່າງຜິດກົດຫມາຍຂອງລີບີເປັນການຂົ່ມຂູ່ຕໍ່ອຳນາດການປົກຄອງໃຫມ່ຂອງລີບີ, ການຮິບເອົາອາວຸດແມ່ນບັນຫາສຳຄັນອັນດັບຫນຶ່ງໃນປັດຈຸບັນ. ທ່ານຍັງກ່າວວ່າ, ປະເທດອາຣັບຍິນດີຕ້ອນຮັບການຮ່ວມມືສາກົນທີ່ມີຈຸດປະສົງເພື່ອປົກປັກຮັກສາຄວາມຫມັ້ນຄົງ, ສະຖຽນລະພາບແລະການພັດທະນາຂອງພາກພື້ນ, ແຕ່ຄັດຄ້ານກຳລັງການທະຫານຂອງຕ່າງປະເທດປະຈຳຢູ່ພາກພື້ນນີ້,ທ່ານກ່າວວ່າ:"ການແຊກແຊງຂອງກຳລັງການທະຫານຕ່າງປະເທດອາດຈະກະຕຸກການເຄື່ອນໄຫວຂອງກຸ່ມປະກອບອາວຸດທີ່ຫົວຮຸນແຮງ."
ພ້ອມກັນນັ້ນ, ສານອາດຍາສາກົນໄດ້ອອກຖະແຫລງການໃນວັນທີ 8 ກັນຍານີ້ວ່າ:ສານອາດຍາສາກົນໄດ້ສົ່ງຫນ່ວຍງານອິດສະຫລະຫນ່ວຍຫນຶ່ງໄປລີບີເພື່ອສືບສວນໂທດກຳຂອງທ່ານກັດດາຟີ.ສານອາດຍາສາກົນພວມຂໍຄວາມຊ່ວຍເຫລືອຈາກອົງການຕຳຫລວດອາດຍາສາກົນ, ຫວັງຢາກໃຫ້ອົງການຕຳຫລວດອາດຍາສາກົນອອກໃບສັ່ງຈັບສີແດງເພື່ອຈັບຕົວຕົວທ່ານກັດດາຟີ.ມື້ດຽວກັນ, ທ່ານລັສມູແຊັນ,ເລຂາທິການໃຫຍ່ນາໂຕກ່າວວ່າ,ທະແນມແຕ່ລີບີຍັງມີການຂົ່ມຂູ່ຈາກອິດທິກຳລັງຂອງທ່ານກັດດາຟີແລ້ວ,ນາໂຕກໍ່ຈະສືບຕໍ່ໂຈມຕີລີບີທາງການທະຫານ.
