ໄຂການເຈລະຈາເສດຖະກິດການເງິນຈີນອັງກິດຄັ້ງທີ4
(GMT+08:00) 2011-09-09 16:36:12 cri
ວັນທີ8ກັນຍານີ້,ການເຈລະຈາເສດຖະກິດການເງິນຈີນອັງກິດຄັ້ງທີ4ໄຂຂຶ້ນຢູ່ນະຄອນ ຫຼວງລອນດອນຂອງອັງກິດ.ໃນການເຈລະຈາ,ຈີນອັງກິດບັນລຸຄວາມເຫັນທີ່ເປັນເອກະສັນກັນ,ຈະສືບຕໍ່ລົງເລິກການຮ່ວມມືດ້ານການຄ້າແລະການລົງທຶນ,ເພີ່ມທະວີການຮ່ວມມືໃນ ຫຼາຍຂົງເຂດໃໝ່,ຄື:ພື້ນຖານໂຄງລ່າງ,ການຜະລິດລະດັບສູງ,ພະລັງງານໃໝ່,ການປະ ຢັດພະລັງງານແລະອະນຸລັກສິ່ງແວດລ້ອມເປັນຕົ້ນ,ພະຍາຍາມເຮັດໃຫ້ມູນຄ່າການຄ້າລະຫວ່າງສອງປະເທດບັນລຸ100ຕື້ໂດລາສະຫະລັດໃນປີ2015.
ໃນການເຈລະຈາ,ອັງກິດກ່າວຢ້ຳວ່າ,ສະໜັບສະໜູນສະຫະພາບເອີຣົບຮັບຮອງຖານະທີ່ເປັນເສດຖະກິດຕະຫຼາດຢ່າງສົມບູນຂອງຈີນ,ສະໜັບສະໜູນຈັດເງິນຢວນຈີນເຂົ້າໃນ ສິດຮັບເງິນພິເສດໃນເວລາອັນເໝາະສົມ,ຍິນດີຕ້ອນຮັບອົງການການທະນາຄານຂອງຈີນເຮັດທຸລະກິດຢູ່ອັງກິດ.ນອກນີ້,ສອງຝ່າຍຍັງໃຫ້ຄຳໝັ້ນສັນຍາວ່າຈະສືບຕໍ່ເພີ່ມທະວີການຮ່ວມມືດ້ານການທະນາຄານ.
ທ່ານວາງຊີຊ່ານ,ຮອງນາຍົກລັດຖະມົນຕີຈີນ,ຜູ່ແທນຝ່າຍຈີນທີ່ເປັນປະທານຈັດການເຈ ລະຈາຊີ້ອອກວ່າ,ການເຈລະຈາເສດຖະກິດການເງິນຈີນອັງກິດແມ່ນເວທີສຳຄັນຂອງການຮ່ວມມືດ້ານເສດຖະກິດລະຫວ່າງສອງປະເທດ,ຈີນຍິນດີພ້ອມກັນກັບອັງກິດ,ເພີ່ມທະວີການຕິດຕໍ່ພົວພັນແລະແລກປ່ຽນຄວາມເຫັນກ່ຽວກັບບັນຫາຕ່າງໆທີ່ເປັນລັກສະນະສັງລວມ,ລັກສະນະຍຸດທະສາດແລະລັກສະນະຍາວນານ.
