ທ່ານບານກີມູນຮຽກຮ້ອງໃຫ້ປະຊາຊົນທົ່ວໂລກຕ້ານການກໍ່ການຮ້າຍ
(GMT+08:00) 2011-09-11 16:27:52 cri
ກ່ອນວັນເກີດເຫດການຫຼອນໂຈມຕີແບບກໍ່ການຮ້າຍ"11ກັນຍາ"ຄົບຮອບ10ປີໃກ້ຈະມາເຖິງ,ທ່ານບານກີມູນເລຂາທິການໃຫຍ່ສະຫະປະຊາຊາດກ່າວຄຳປາໃສໃນວັນທີ10ກັນຍານີ້,ລະລຶກຜູ່ປະສົບເຄາະຮ້າຍໃນເຫດການນີ້,ຮຽກຮ້ອງໃຫ້ປະຊາຊົນທົ່ວໂລກຕ້ານລັດທິກໍ່ການຮ້າຍ.
ທ່ານບານກີມູນກ່າວວ່າ,ສະຫະປະຊາຊາດໄດ້ຮັບຮອງຍຸດທະສາດທົ່ວໂລກຕໍ່ຕ້ານການກໍ່ການຮ້າຍໃນປີ2006,ຊຶ່ງເປັນເທື່ອທຳອິດທີ່ປະເທດສະມາຊິກທັງໝົດມີຄວາມເຫັນເປັນເອກະພາບກັນກ່ຽວກັບວິທີຍຸດທະສາດຮ່ວມໃນການຕ້ານການກໍ່ການຮ້າຍ."ພັນທະມິດອາລິຍະທຳທີ່ຕ່າງກັນ"ຂອງສະຫະປະຊາຊາດລິເລີ່ມໃຫ້ໃຊ້ວິທີກ່າຍຂົວທີ່ໄວ້ເນື້ອເຊື່ອໃຈກັນແລະເຂົ້າໃຈກັນເພື່ອເພີ່ມຄວາມພະຍາຍາມຕື່ມອີກໃນການຕໍ່ຕ້ານປະກົດການຕ່າງໆເຊັ່ນລັດທິຫົວຮຸນແຮງ,ການຜັນແຍກເປັນສອງຂົ້ວເປັນຕົ້ນ.ພ້ອມກັນນັ້ນ,ສະຫະປະຊາຊາດຈະສືບຕໍ່ປະຕິບັດວຽກງານສົ່ງເສີມສັນຕິພາບໃນໄລຍະຍາວ,ໃຊ້ມາດຕະການຕ່າງໆເຊັ່ນເພີ່ມທະວີການຕ່າງປະເທດເພື່ອການປ້ອງກັນເພື່ອຊ່ວຍເຫຼືອປະເທດທີ່ໃກ້ຈະພັງລະລາຍນັ້ນຫຼີກເວັ້ນບໍ່ໃຫ້ຕົກຢູ່ໃນສະພາບວຸ້ນວາຍ.
ທ່ານບານກີມູນກ່າວເນັ້ນວ່າ,ສິ່ງທ້າທາຍທີ່ມາຈາກລັດທິກໍ່ການຮ້າຍໄດ້ສົ່ງຜົນສະທ້ອນຕໍ່ທົ່ວໂລກ,ສະຫະປະຊາຊາດຈະຈື່ຈຳຜູ່ເສຍຊີວິດໃນເຫດການເມື່ອ10ປີກ່ອນ,ສົ່ງເສີມໃຫ້ທຸກໆປະເທດເຂົ້າຮ່ວມການຕໍ່ສູ້ອັນຈຳເປັນໃນການສະແຫວງຫາຄວາມເປັນທຳ,ຊຸກຍູ້ສັນຕິພາບ,ສ້າງອະນາຄົດທີ່ດີງາມແລະປອດໄພກວ່າເກົ່າເພື່ອຄົນຮຸ່ນຫຼັງ.
