ຊ່ຽວຊານແລະເຈົ້າໜ້າທີ່ຕ່າງປະເທດເຫັນວ່າປຶ້ມປົກຂາວກ່ຽວກັບການພັດທະນາໂດຍສັນຕິສະແດງໃຫ້ເຫັນວ່າຈີນກາຍເປັນປັດໄຈສຳຄັນທີ່ສຸດຂອງສັນຕິພາບຂອງໂລກ
(GMT+08:00) 2011-09-12 16:07:20 cri
ຫຼາຍມື້ມານີ້,ຜູ່ຊ່ຽວຊານແລະເຈົ້າໜ້າທີ່ຫຼາຍຄົນຂອງຕ່າງປະເທດໄດ້ເອົາໃຈໃສ່ນຳປຶ້ມປົກຂາວທີ່ມີຊື່ວ່າ"ການພັດທະນາໂດຍສັນຕິຂອງຈີນ"ທີ່ຈີນເປີດເຜີຍໃນຫວ່າງມໍ່ໆມານີ້ໂດຍເຫັນວ່າປຶ້ມປົກຂາວໄດ້ສະແດງໃຫ້ເຫັນວ່າການພັດທະນາໂດຍສັນຕິຂອງຈີນໄດ້ກາຍເປັນປັດໄຈສຳຄັນທີ່ສຸດແຫ່ງຄວາມດຸນດ່ຽງກັນແລະການຊຸກຍູ້ສັນຕິພາບຂອງໂລກ.
ຫົວໜ້າພະແນກການພົວພັນສາກົນແລະທົ່ວໂລກຂອງມະຫາວິທະຍາໄລnew south walesອົສຕຼາລີກ່າວວ່າ,ຊຸມປີມໍ່ໆມານີ້,ການຮ່ວມມືໃນຂົງເຂດຕ່າງໆ ລະຫວ່າງຈີນກັບປະເທດຕ່າງໆເຊິ່ງລວມທັງອົສຕຼາລີສະແດງໃຫ້ເຫັນວ່າ,ຈີນໄດ້ເຊື່ອມໂຍງເຂົ້າໃນໂລກຢ່າງແໜ້ນແຟ້ນຊຶ່ງສ່ອງແສງໃຫ້ເຫັນເຖິງຄວາມປາຖະໜາຂອງຈີນໃນການພັດທະນາໂດຍສັນຕິ.
ຜູ່ຊ່ຽວຊານບັນຫາຄວາມໝັ້ນຄົງຂອງບຸນກາຣີກ່າວວ່າ,ຈີນໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງສະຫະປະຊາຊາດໄດ້ສົ່ງເສີມການແກ້ໄຂບັນຫາດ້ວຍວິທີທາງການທູດມາໂດຍຕະຫຼອດ,ແຕ່ບໍ່ແມ່ນໃຊ້ວິທີແຊກແຊງດ້ວຍກຳລັງທະຫານ.ທ່ານກ່າວວ່າ,ການພັດທະນາໂດຍສັນຕິຂອງຈີນໄດ້ກາຍເປັນປັດໄຈສຳຄັນທີ່ສຸດທີ່ເຮັດໃຫ້ໂລກມີຄວາມດຸນດ່ຽງກັນແລະມີສັນຕິພາບ.
ຜູ່ຊ່ຽວຊານຂອງສະຖາບັນຄົ້ນຄວ້າລະດັບສູງຂອງສະມາຄົມຄາໂຕອາເມລິກາຊີ້ອອກວ່າ,ປຶ້ມປົກຂາວຂອງຈີນສະແດງໃຫ້ເຫັນວ່າ,ຈີນຍິນດີສຸມກຳລັງເຂົ້າໃນການພັດທະນາເສດຖະກິດຫຼາຍກວ່າ,ແຕ່ບໍ່ແມ່ນເຂົ້າກ່ຽວພັນກັບບັນຫາຫຍຸ້ງຍາກຂອງແຫ່ງອື່ນໆໃນໂລກ.ທ່ານກ່າວວ່າ,ຄົນອາເມລິກາທີ່ເຫັນວ່າຈີນຍ່ອມຈະກາຍເປັນໄພຂົ່ມຂູ່ແນ່ນອນນັ້ນໄດ້ສ້າງຜົນຮ້າຍຕໍ່ສັນຕິພາບຂອງຈີນກໍ່ຄືຂອງໂລກ.
