ແຜນການສ້າງຕັ້ງລັດຖະບານຊົ່ວຄາວລີບີຈະເປີດເຜີຍຕໍ່ພາຍນອກພາຍໃນ10ວັນ
(GMT+08:00) 2011-09-12 16:12:38 cri
ທ່ານມາມຸດ ຈີບຼີວ ປະທານຄະນະບໍລິຫານງານຄະນະກຳມະການຊົ່ວຄາວແຫ່ງຊາດລີບີໄດ້ປະກາດໃນວັນທີ11ກັນຍານີ້ວ່າ,ປະຈຸບັນ,ຝ່າຍທີ່ກ່ຽວຂ້ອງພວມປຶກສາຫາລືກ່ຽວກັບການສ້າງຕັ້ງລັດຖະບານຊົ່ວຄາວແຫ່ງຊາດ,ຊຶ່ງຄາດວ່າຈະປະກາດແຜນການສ້າງຕັ້ງລັດຖະບານຊົ່ວຄາວພາຍໃນ1ອາທິດຫາ10ວັນ.ມື້ດຽວກັນ,ກະຊວງການຕ່າງປະເທດອານເຊຣີຢືນຢັນວ່າໄດ້ປິດຊາຍແດນກັບລີບີແລ້ວ.
ນອກນີ້ມີຂ່າວແຈ້ງວ່າ,ກະຊວງການຕ່າງປະເທດອານເຊຣີກ່າວໃນວັນທີ11ກັນຍານີ້ວ່າ,ອານເຊຣີອະນຸຍາດໃຫ້ຄອບຄົວຈຳນວນໜຶ່ງຂອງທ່ານກັດດາຟີເຂົ້າລີ້ໄພຢູ່ອານເຊຣີແມ່ນຍ້ອນສາເຫດທາງດ້ານມະນຸດສະທຳ.ພາຍຫຼັງເຂົາເຈົ້າເຂົ້າເມືອງໃນວັນທີ29ສິງຫາຜ່ານມາແລ້ວ,ອານເຊຣີໄດ້ປິດຊາຍແດນກັບລີບີ.
