ວັນທີ13ກັນຍານີ້,ທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ພົບປະກັບທ່ານຄລາວສ໌ ສະວັບ,ປະທານເວທີປຶກສາຫາລືເສດຖະກິດໂລກຢູ່ເມືອງຕ້າລຽນ,ເມືອງແຄມຝັ່ງທະເລທາງພາກເໜືອຂອງຈີນ.ໃນເວລາພົບປະ,ທ່ານເວີ່ນເຈ່ຍປາວກ່າວວ່າ,ປະເທດຕ່າງໆຄວນເພີ່ມທະວີການປະສານສົມທົບກັນ,ທຳຄວາມພະຍາຍາມຢ່າງບໍ່ລົດລະເພື່ອເຮັດໃຫ້ເສດ ຖະກິດໂລກບັນລຸການພັດທະນາຢ່າງແຂງແຮງ,ຕໍ່ເນື່ອງແລະສະໝ່ຳສະເໝີ.
ທ່ານສະວັບກ່າວວ່າ,ເຖິງວ່າເສດຖະກິດໂລກປະສົບຄວາມຫຍຸ້ງຍາກກໍ່ຕາມ,ແຕ່ຄົນທັງ ຫຼາຍຍັງມີເຫດຜົນທີ່ມີຄວາມໝັ້ນໃຈແລະຄວາມຫວັງ.ການພັດທະນາທາງດ້ານເສດຖະ ກິດຂອງຈີນໄດ້ປະກອບສ່ວນອັນຕັ້ງໜ້າເຂົ້າໃນການພັດທະນາເສດຖະກິດຂອງໂລກ.ເວທີປຶກສາຫາລືເສດຖະກິດໂລກຫວັງຢາກປະສານງານກັບຈີນຢ່າງແໜ້ນແຟ້ນ,ເຮັດເວທີປຶກສາຫາລືດາວົສລະດູຮ້ອນເປັນເວທີແຫ່ງການແລກປ່ຽນຄວາມເຫັນລະຫວ່າງບຸກຄົນໃນຂົງເຂດວຽກງານຕ່າງໆຂອງໂລກ,ເຕົ້າໂຮມກຳລັງແລະຄວາມເຫັນທີ່ເປັນເອກະສັນກັນ,ເພື່ອຊຸກຍູ້ການປະດິດສ້າງແລະການພັດທະນາ.
