ຈີນຍິນດີຕ້ອນຮັບປະເທດຕ່າງໆໃນໂລກມາເຂົ້າຮ່ວມການໄຂປະຕູສູ່ພາຍນອກຂອງຈີນ
(GMT+08:00) 2011-09-14 16:35:37 cri
ຕາມຂ່າວCRI:ວັນທີ14ກັນຍານີ້,ຢູ່ເມືອງຕ້າລຽນ,ທ່ານຈ່າງສຽວຊຽງ,ຮອງຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ,ໃນສະພາບການທີ່ເສດຖະກິດທົ່ວໂລກຊຸດໂຊມລົງ,ເສດຖະກິດຂອງຈີນຍັງຈະເລີນເຕີບໂຕດ້ວຍຈັງຫວະໄວໃນ6ເດືອນຕົ້ນປີນີ້,ນີ້ແມ່ນໄດ້ມາຈາກການທີ່ເສດຖະກິດຈີນໄຂປະຕູສູ່ພາຍນອກຢ່າງບໍ່ຢຸດຢັ້ງ.ຈີນຍິນດີຕ້ອນຮັບປະເທດຕ່າງໆໃນໂລກມາເຂົ້າຮ່ວມການໄຂປະຕູສູ່ພາຍນອກຂອງຈີນ.
ວັນທີ14ກັນຍານີ້,ໃນເວລາໃຫ້ສຳພາດຕໍ່ນັກຂ່າວໃນກອງປະຊຸມເວທີປຶກສາຫາລືດາວົສ ລະດູຮ້ອນທີ່ຈັດຂຶ້ນຢູ່ເມືອງຕ້າລຽນ,ທ່ານຈ່າງສຽວຊຽງກ່າວວ່າ,ໃນ6ເດືອນຕົ້ນປີນີ້,ມູນຄ່າການຄ້ານຳເຂົ້າຂອງຈີນຫຼາຍກວ່າມູນຄ່າສິນຄ້າສົ່ງອອກ,ນີ້ໄດ້ສ່ອງແສງໃຫ້ເຫັນວ່າ,ຈີນເອົາໃຈໃສ່ການໄຂປະຕູສູ່ພາຍນອກຫຼາຍກວ່າ,ແລະຈີນມີຄວາມຍິນດີຕ້ອນຮັບປະເທດຕ່າງໆເຂົ້າຮ່ວມຂະບວນການໄຂປະຕູສູ່ພາຍນອກທີ່ນັບມື້ນັບກວ້າງຂວາງຂຶ້ນກວ່າເກົ່າ.
ທ່ານຈ່າງສຽວຊຽງກ່າວວ່າ,ປະຈຸບັນນີ້,ຈີນພວມສຸມກຳລັງເຂົ້າໃນການລົງເລິກການປະຕິຮູບ,ເປີດກວ້າງການໄຂປະຕູສູ່ພາຍນອກ,ຕັ້ງໜ້າປະດິດສ້າງ,ແລະຊຸກຍູ້ການພັດທະນາ. ຈີນພວມປັບປຸງບັນຊີລາຍຊື່ອຸດສາຫະກຳການລົງທຶນຂອງຕ່າງປະເທດ,ເຮັດໃຫ້ລະບຽບການລົງທຶນກະທັດຮັດກວ່າເກົ່າ,ເພີ່ມຄວາມແຮງໃນການປົກປ້ອງສິດຊັບສິນທາງປັນຍາ,ຍິນດີຮັບເອົາການລົງທຶນດ້ານເທັກໂນໂລຢີແລະອຸດສາຫະກຳຈະເລີນໃໝ່ຈາກຕ່າງປະເທດເຂົ້າມາລົງທຶນຢູ່ຈີນ.
