ອາຊີອາຄະເນສະສົມບົດຮຽນໃນການຕ້ານການກໍ່ການຮ້າຍໂດຍຜ່ານການຮ່ວມມືໃນພາກພື້ນ
(GMT+08:00) 2011-09-14 18:07:23 cri
ເນື່ອງໃນໂອກາດທີ່ວັນເກີດເຫດການໂສກນາດຕະກຳ"11ກັນຍາ"ຢູ່ອາເມລິກາຄົບຮອບ10ປີ, ປະເທດອາຊີອາຄະເນທີ່ມີປະຊາກອນມຸສລິມຈຳນວນຫຼວງຫຼາຍນັ້ນກໍ່ໄດ້ເລີ່ມທົບທວນຄືນປະ ຫວັດການຕ້ານການກໍ່ການຮ້າຍເປັນເວລາ10ປີຢູ່ພາກພື້ນແຫ່ງນີ້.ໂດຍທົ່ວໄປແລ້ວ,ຫາງສຽງໃນອາຊີອາຄະເນເຫັນວ່າ,ເຖິງວ່າການຂົ່ມຂູ່ຈາກລັດທິກໍ່ການຮ້າຍໃນພາກພື້ນແຫ່ງນີ້ໄດ້ມີການຫຼຸດໜ້ອຍຖອຍລົງແລ້ວກໍ່ຕາມ,ແຕ່ຍັງບໍ່ທັນໄດ້ໝົດໄປເທື່ອ.ມີບາງປະເທດທີ່ໄດ້ຮັບຜົນຈຳນວນໜຶ່ງໂດຍຜ່ານການເພີ່ມທະວີການຮ່ວມມື,ໄດ້ສະສົມບົດຮຽນຈຳນວນໜຶ່ງໃນການແກ້ໄຂເງື່ອນໄຂບໍ່ໃຫ້ລັດທິກໍ່ການຮ້າຍຄົງຕົວຢູ່ໄດ້ນັ້ນດ້ວຍວິທີລະອຽດອ່ອນ.
ວັນທີ3ກັນຍານີ້,ເວັບໄຊຂອງໜັງສືພິມ"ຈາກາກຕາພົສທ໌"ຂອງອິນໂດເນເຊຍໄດ້ລົງພິມບົດວິ ຈານຂຽນວ່າ,ມໍລະດົກຂອງເຫດການ"11ກັນຍາ"ແມ່ນ"ສົງຄາມຕ້ານການກໍ່ການຮ້າຍ".ມັນໄດ້ດຶງດູດຊາວໜຸ່ມມຸສລິມເຂົ້າຮ່ວມການເຄື່ອນໄຫວຫົວຮຸນແຮງ,ໂດຍສະເພາະໄດ້ສ້າງເງື່ອນໄຂໃຫ້ແກ່ຂະບວນການຫົວຈັດທີ່ຊູຄັນທູງ"ຕ້ານອາເມລິກາ".ມື້ດຽວກັນນີ້,ເວັບໄຊຂອງໜັງສືພິມ"ດາວ"ຂອງມະເລເຊຍໄດ້ລົງພິມບົດຄວາມຂຽນວ່າ,ປະຈຸບັນນີ້,ອາເມລິກາແລະປະເທດພັນທະມິດຕາເວັນຕົກຂອງເຂົາໄດ້ເລື່ອນເວລາໃນການຖອນທະຫານອອກຈາກອາຟການິສະຖານ,ໂຈມຕີລີບີທາງທະຫານແລະອາດຈະໃຊ້ການເຄື່ອນໄຫວຕໍ່ຊີຣີ,ທັງໝົດເຫຼົ່ານີ້ອາດຈະສ້າງຄວາມຜິດອີກຄັ້ງໃໝ່ຄືທີ່ຜ່ານມາ.
ທ່ານຫຼີຈ້ຽນຊົງ,ຫົວໜ້າວຽກງານສາທາລະນະຂອງກອງເລຂາອາຊຽນກ່າວວ່າ,ຜົນສະທ້ອນ ໂດຍກົງຂອງເຫດການ"11ກັນຍາ"ທີ່ມີຕໍ່ອາຊີອາຄະເນແມ່ນ,ປະເທດອາຊຽນໄດ້ເພີ່ມການຮ່ວມມືໃນການຕ້ານການກໍ່ການຮ້າຍ,ການໂຈມຕີລັດທິກໍ່ການຮ້າຍໄດ້ກາຍເປັນໜ້າທີ່ທີ່ສຳຄັນຂອງບັນດາປະເທດອາຊຽນເພື່ອຮັບປະກັນເສດຖະກິດພັດທະນາຢ່າງໝັ້ນທ່ຽງ.
ຫວ່າງມໍ່ໆນີ້,ທ່ານຕີວຊີຮຽນ,ຮອງນາຍົກລັດຖະມົນຕີ,ທັງເປັນລັດຖະມົນຕີວ່າການກະຊວງຈັດ ວາງຄວາມໝັ້ນຄົງແຫ່ງຊາດແລະກະຊວງພາຍໃນຂອງສິງກະໂປເຜີຍໃຫ້ຮູ້ວ່າ,ສິງ ກະໂປ,ອິນໂດເນເຊຍແລະມະເລເຊຍໄດ້ດຳເນີນການຮ່ວມມືໃນການຕ້ານການກໍ່ການຮ້າຍທີ່ແໜ້ນແຟ້ນກວ່າເກົ່າ.
ໜັງສືພິມ"ຊ່ອງແຄບໃໝ່ແທມສ໌"ຂອງມະເລເຊຍນຳເອົາຄຳເວົ້າຂອງທ່ານໂມຮາເມັດ ຟູສີ ຮາ ຣຸນ,ຫົວໜ້າກອງບັນຊາການຕຳຫຼວດຕ້ານການກໍ່ການຮ້າຍມະເລເຊຍມາຊີ້ອອກວ່າ,ສະຫະປະ ຊາຊາດຖືເອົາແຜນການຕ້ານການກໍ່ການຮ້າຍແລະດັດສ້າງພວກກໍ່ການຮ້າຍຂອງມະເລເຊຍເປັນແບບຢ່າງທີ່ດີ,ມະເລເຊຍພວມເຜີຍແຜ່ບົດຮຽນແລະວິທີດັດສ້າງພວກກໍ່ການຮ້າຍຕໍ່ປະເທດທີ່ກ່ຽວຂ້ອງ.ທ່ານກ່າວວ່າ,ແຜນການນີ້ແມ່ນໃຊ້ວິທີທີ່ລະອຽດອ່ອນ,ກໍ່ຄືໃຫ້ຕຳຫຼວດຫຼືບຸກຄົນສຳ ຄັນທາງສາດສະໜາຊີ້ແຈງອະທິບາຍເຫດແລະຜົນທາງດ້ານຈິດໃຈຂອງພວກກໍ່ການຮ້າຍເພື່ອຫັນປ່ຽນລັດທິຫົວຮຸນແຮງແລະແນວຄິດມັກກໍ່ສົງຄາມຂອງພວກເຂົາເຈົ້າ,ໃຫ້ສ້າງຄ່ານິຍົມທີ່ຖືກ ຕ້ອງ,ແລະສິດສອນໃຫ້ເຂົາເຈົ້າເຄົາລົບສາດສະໜາແລະເຊື້ອຊາດອື່ນໆ.ນັບແຕ່ປີ2005ຮອດປີ2010,ເຈົ້າໜ້າທີ່ຕຳຫຼວດມະເລເຊຍໄດ້ປ່ຽນແປງແນວຄິດຂອງພວກກໍ່ການຮ້າຍໃຫ້ກັບຄືນມາເປັນພົນລະເມືອງດີຂອງສັງຄົມໄດ້ແລ້ວ75ຄົນ.
