ຜູ່ບັນຊາການໃຫຍ່ຂອງກອງທະຫານທາງບົກໄທກ່າວວ່າ,ໄທຈະບໍ່ຖອນທະຫານອອກຈາກເຂດຊາຍແດນໄທກຳປູເຈຍເປັນການຊົ່ວຄາວ
(GMT+08:00) 2011-09-20 18:46:13 cri
ໜັງສືພິມພົສທ໌ບາງກອກລາຍງານວ່າ:ວັນທີ19ກັນຍາແລ້ວນີ້,ທ່ານປຣະຢຸດ ຈັນ ໂອຊາ,ຜູ່ ບັນຊາການໃຫຍ່ກອງທະຫານທາງບົກຂອງໄທກ່າວວ່າ,ຝ່າຍທະຫານໄດ້ປັບການຈັດວາງທາງກຳລັງທະຫານຢູ່ເຂດຊາຍແດນໄທກຳປູເຈຍ,ແຕ່ບໍ່ໄດ້ຫຼຸດຈຳນວນທະຫານທີ່ປະຈຳຢູ່ເຂດນັ້ນ.
ທ່ານກ່າວວ່າ,ກອງທັບຈະຄອຍຖ້າໃຫ້ມີຜົນການຕົກລົງຈາກກອງປະຊຸມຄະນະກຳມະການຊາຍແດນຮ່ວມໄທກຳປູເຈຍເສຍກ່ອນແລ້ວ,ຈຶ່ງຈະເລີ່ມຖອນທະຫານ.ຖ້າວ່າຄະນະກຳມະການນີ້ບໍ່ມີການສະເໜີແຜນການແກ້ໄຂໃດໆ,ເລື່ອງການຖອນທະຫານກໍ່ຈະນຳເອົາໄປປຶກສາຫາລືຢູ່ໃນກອງປະຊຸມຂອງຄະນະລັດຖະບານເລີຍ.
