ເປົ້າໝາຍໃນແຜນການແຫ່ງຊາດກ່ຽວກັບສິດທິມະນຸດສະບັບທຳອິດຂອງຈີນໄດ້ບັນລຸຜົນເປັນຈິງຕາມຄາດໝາຍ
(GMT+08:00) 2011-09-21 16:55:49 cri
ວັນທີ21ກັນຍານີ້, ໃນເວລາເຂົ້າຮ່ວມກອງປະຊຸມເວທີປຶກສາຫາລືກ່ຽວກັບສິດທິມະນຸດປັກກິ່ງ,ທ່ານຫວາງເສີນ, ຫົວໜ້າຫ້ອງການຖະແຫຼງຂ່າວຂອງຄະນະລັດຖະບານຈີນກ່າວວ່າ, ປີ2009, ຈີນໄດ້ວາງ "ແຜນປະຕິບັດງານສິດທິມະນຸດແຫ່ງຊາດ"(ປີ2009-2010). ໂດຍຜ່ານຈາກຄວາມພະຍາຍາມຢ່າງບໍ່ລົດລະເປັນເວລາ2ປີ, ມາດຕະການຕ່າງໆໃນແຜນປະຕິບັດງານໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ, ໄດ້ສຳເລັດເປົ້າໝາຍດ້ານຕ່າງໆຢ່າງຮອບດ້ານ.
ທ່ານຫວາງເສິນຍັງກ່າວເນັ້ນວ່າ, ນັບແຕ່ດຳເນີນການປະຕິຮູບແລະໄຂປະຕູສູ່ພາຍນອກເປັນຕົ້ນມາ, ລັດຖະບານຈີນໄດ້ເອົາສິດທິມະນຸດທີ່ມີລັກສະນະທົ່ວໄປຕິດພັນກັບສະພາບຕົວຈິງຂອງຈີນ, ຊຸກຍູ້ການພັດທະນາວຽກງານສິດທິມະນຸດດ້ວຍມາດຕະການທີ່ມີການປະຕິບັດຕົວຈິງແລະມີປະສິດທິຜົນ,ໄດ້ສ້າງເສັ້ນທາງພັດທະນາສິດທິມະນຸດສັງຄົມນິຍົມທີ່ມີເອກະລັກຂອງຈີນ.
