ກອງປະຊຸມສະຫະພັນສະພາອາຊຽນຄັ້ງທີ32ໄຂຂຶ້ນຢູ່ກຳປູເຈຍ
(GMT+08:00) 2011-09-22 16:52:31 cri
ຕາມຂ່າວສານຊິນຮວາລາຍງານວ່າ, ກອງປະຊຸມສະຫະພັນສະພາອາຊຽນຄັ້ງທີ32ໄຂຂຶ້ນໃນວັນທີ20ກັນຍານີ້ຢູ່ນະຄອນຫຼວງພະນົມເປັນຂອງກຳປູເຈຍ,ປະທານສະພາຫຼືຜູ່ຕາງໜ້າ ປະທານສະພາຂອງປະເທດສະມາຊິກຕ່າງໆຂອງສະຫະພັນສະພາອາຊຽນໄດ້ເຂົ້າຮ່ວມ,ຜູ່ຕາງໜ້າສະພາຂອງ11ປະເທດເຊັ່ນຈີນ,ຍີ່ປຸ່ນ,ສ.ເກົາຫຼີ,ອາເມລິກາ,ອິນເດຍ,ນູແວັນເຊລັງແລະຣັດເຊຍໄດ້ເຂົ້າຮ່ວມກອງປະຊຸມໃນນາມເປັນຜູ່ສັງເກດການ.ກອງປະຊຸມຄັ້ງນີ້ຕົກລົງອະນຸມັດສະພາຂອງສະຫະພາບມຽນມາເຂົ້າເປັນສະມາຊິກສົມບູນຂອງສະຫະພັນສະພາອາຊຽນ.
ທ່ານເຈ່ຍຊິ່ມ ປະທານສະພາສູງກຳປູເຈຍໄດ້ກ່າວຄຳປາໃສໃນກອງປະຊຸມວ່າ,ກອງປະຊຸມສະຫະພັນສະພາອາຊຽນຄັ້ງນີ້ແມ່ນໄຂຂຶ້ນເນື່ອງໃນໂອກາດທີ່ບັນດາປະເທດອາຊຽນທຳຄວາມພະຍາຍາມເພື່ອສ້າງປະຊາຄົມອາຊຽນໃຫ້ສຳເລັດໃນປີ2015.ທ່ານຫວັງວ່າຜູ່ທີ່ຮ່ວມປະຊຸມຈະລົງເລິກຄົ້ນຄວ້າປຶກສາຫາລືກ່ຽວກັບບັນຫາຕ່າງໆເຊັ່ນຊຸກຍູ້ອາຊຽນບູລະນະກົນໄກປະສານງານດ້ານນິຕິບັນຍັດໃຫ້ດີຂຶ້ນ,ກຳຈັດສະຖານະການຄວາມເຄັ່ງຕຶງໃນພາກພື້ນ,ຕໍ່ຕ້ານການເຄື່ອນໄຫວການກໍ່ການຮ້າຍແລະອາຊະຍາກຳຂ້າມຊາດ,ປະກອບສ່ວນເຂົ້າໃນການການປົກປັກຮັກສາສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງໃນພາກພື້ນແລະປົກປັກຮັກສາຜົນປະໂຫຍດຂອງປະຊາຊົນປະເທດຕ່າງໆໃນອາຊຽນ.
