ສະຫະປະຊາຊາດຈັດກອງປະຊຸມລະດັບສູງກ່ຽວກັບບັນຫາລີບີ
(GMT+08:00) 2011-09-22 16:48:50 cri
ຫວ່າງມໍ່ໆນີ້, ສະຫະປະຊາຊາດໄດ້ຈັດກອງປະຊຸມລະດັບສູງກ່ຽວກັບບັນຫາລີບີຢູ່ສຳນັກງານໃຫຍ່ທີ່ນິວຢອກ, ນີ້ໝາຍເຖິງຂະບວນການສ້າງສາຄືນໃໝ່ຂອງລີບີເລີ່ມດຳເນີນງານ.
ໃນກອງປະຊຸມ, ທ່ານບານກີມູນ, ເລຂາທິການໃຫຍ່ສະຫະປະຊາຊາດກ່າວວ່າ, ສິ່ງທ້າທາຍທີ່ລີບີພວມປະເຊີນນັ້ນມີຫຼວງຫຼາຍ, ແຕ່ໜ້າທີ່ອັນຕົ້ນຕໍຂອງລີບີຄວນແມ່ນສັນຕິພາບແລະຄວາມໝັ້ນຄົງ. ຄະນະທີ່ຖືກແຕ່ງຕັ້ງພິເສດເພື່ອຊ່ວຍເຫຼືອລີບີຂອງສະຫະປະຊາຊາດຈະໃຫ້ການຊ່ວຍເຫຼືອແກ່ລີບີພາຍໃຕ້ການນຳພາຂອງທ່ານລານມາຕິນ, ຜູ້ຕາງໜ້າພິເສດຂອງເລຂາທິການໃຫຍ່ສະຫະປະຊາຊາດ.
ຖະແຫຼງການທີ່ປະກາດໃນເວລາສິ້ນສຸດກອງປະຊຸມແຈ້ງວ່າ, ຜູ້ແທນທີ່ເຂົ້າຮ່ວມປະຊຸມໄດ້ສະແດງວ່າສະໜັບສະໜູນອຳນາດການປົກຄອງຂ້າມຜ່ານລີບີແລະແຜນການໃນໄລຍະຊົ່ວຄາວທີ່ລີບີສະເໜີອອກ, ຮຽກຮ້ອງໃຫ້ຝ່າຍຕ່າງໆຂອງລີບີເຂົ້າຮ່ວມຂະບວນການສັນຕິພາບແລະການສ້າງສາປະເທດຊາດຄືນໃໝ່. ຖະແຫຼງການຮຽກຮ້ອງໃຫ້ຄະນະກຳມະການຊົ່ວຄາວແຫ່ງຊາດລີບີໃຫ້ຮີບຮ້ອນຈັດຕັ້ງລັດຖະບານຊົ່ວຄາວໃໝ່ທີ່ມີລະບຽບແຜນການ,ສະແດງໃຫ້ເຫັນສັງຄົມລີບີທີ່ມີຫຼາກຫຼາຍສີສັນຢ່າງເຕັມທີ່, ສ້າງລີບີໃໝ່ຢ້ຽມ, ມີປະຊາທິປະໄຕແລະມີຄວາມຫຼາກຫຼາຍ, ເຮັດໃຫ້ປະຊາຊົນລີບີສາມາດຊົມໃຊ້ສິດທິມະນຸດ, ເສລີພາບແລະຍຸດຕິທຳຢ່າງເຕັມທີ່.
ກຳລັງປະກອບອາວຸດຂອງຄະນະກຳມະການຊົ່ວຄາວແຫ່ງຊາດລີບີຍັງບໍ່ສາມາດຍຶດຄອງ3ເມືອງຄື:ບານີ ວາລິດ, ຊິບຮາແລະ ເຊີດທ໌ໄດ້ຢ່າງແທ້ຈິງ,ຍັງມີການສູ້ຮົບຢ່າງດຸເດືອດ.
