ບົດລາຍງານຫຼ້າສຸດກ່ຽວກັບສະພາບການຜະລິດກະສິກຳທີ່ກະຊວງກະສິກຳຈີນເຜີຍແຜ່ສະແດງໃຫ້ເຫັນວ່າ,ປີນີ້,ຜົນຜະລິດທັນຍາຫານໃນການປູກພືດລະດູໃບໄມ້ຫຼົ່ນຈະເພີ່ມຂຶ້ນຢ່າງແນ່ນອນ,ຜົນຜະລິດທັນຍາຫານໃນປີນີ້ຈະເພີ່ມຂຶ້ນເປັນ 550 ລ້ານໂຕນ,ເຊິ່ງເພີ່ມຂຶ້ນຕິດຕໍກັນເປັນປີທີ8,ສະມັດຖະພາບແລະລວມຍອດຜົນຜະລິດຈະເປັນສະຖິຕິສູງສຸດໃນປະຫວັດສາດອີກເທື່ອໃຫມ່.
ກະຊວງກະສິກຳເຫັນວ່າ,ປີນີ້,ການຜະລິດທັນຍາຫານໄດ້ສືບຕໍ່ຮັກສາທ່າອ່ຽງທີ່ດີມີການພັດທະນາຢ່າງຫມັ້ນທ່ຽງ,ເພື່ອສ້າງພື້ນຖານອັນສຳຄັນໃນດ້ານວັດຖຸໃຫ້ແກ່ການຮັບປະກັນການສະຫນອງໃຫ້ຕະຫຼາດ,ຄຸ້ມຄອງໄພເງິນເຟີ້ລ່ວງຫນ້າໃຫ້ດີແລະສະກັດກັ້ນບໍ່ໃຫ້ລາຄາສິນຄ້າສູງຂຶ້ນໄວເກີນໄປ,ແລະກໍ່ມີບົດບາດສຳຄັນຕໍ່ການເຮັດໃຫ້ຕະ ຫຼາດທັນຍາຫານສາກົນມີຄວາມຫມັ້ນທ່ຽງ.
ນັບແຕ່ປີ 2004 ຫາປີ 2010,ການຜະລິດທັນຍາຫານຂອງຈີນໄດ້ເພີ່ມຂຶ້ນ 7 ປີລຽນຕິດ,ສ່ວນນັບແຕ່ປີ2007ຫາປີ2010,ລວມຍອດຜົນຜະລິດທັນຍາຫານທັງຫມົດໄດ້ຮັກສາລະດັບຫຼາຍກວ່າ500 ລ້ານໂຕນ,ເປັນເວລາ 4 ປີຕິດຕໍ່ກັນ.
