ວັນທີ 22 ກັນຍານີ້,ການອະພິປາຍທົ່ວໄປຂອງກອງປະຊຸມສະມັດຊາໃຫຍ່ສະຫະປະຊາຊາດຄັ້ງທີ66ໄດ້ດຳເນີນໄປເປັນມື້ທີສອງຂອງກອງປະຊຸມ . ຜູ່ຕາງຫນ້າຂອງປະເທດທີ່ພວມພັດທະນາປະກອບຄຳຄິດຄຳເຫັນໃນກອງປະຊຸມວ່າ,ຄອງຄອຍການເສີມຂະ ຫຍາຍບົດບາດສຳຄັນກວ່າເກົ່າໃນວຽກງານຂອງທົ່ວໂລກ.
ທ່ານນາງດິວມາ ຣູເຊັຟ,ປະທານາທິບໍດີເບຼຊິນກ່າວວ່າ,ອົງກອນເສດຖະກິດຈະເລີນໃຫມ່ຂອງປະເທດທີ່ພວມພັດທະນາສາມາດມີບົດບາດທີ່ເປັນຂໍກະແຈໃນການ ຫຼຸດຜ່ອນວິກິດການເສດຖະກິດທົ່ວໂລກ,ອົງກອນເສດຖະກິດຈະເລີນໃຫມ່ຍິນດີແລະສາມາດແກ້ໄຂວິກິດການເທື່ອນີ້. ທ່ານນາງຍັງຮຽກຮ້ອງໃຫ້ປະເທດທີ່ພັດທະນາແລ້ວປະກາດໃຊ້ນະໂຍບາຍປະສານງານໃນທັນທີເພື່ອຊ່ອຍເຫຼືອປະເທດທີ່ໄດ້ຮັບຜົນກະ ທົບຈາກວິກິດການທາງດ້ານເສດຖະກິດ,ແລະປະກອບສ່ວນເຂົ້າໃນການສ້າງຄວາມດຸນດ່ຽງກັນຂອງເສດຖະກິດທົ່ວໂລກ.
ທ່ານຈາຄົບ G ຈູມາ,ປະທານາທິບໍດີອາຟຼິກາໃຕ້ກ່າວວ່າ,ສະຫະປະຊາຊາດແລະປະເທດສະມາຊິກທີ່ກ່ຽວຂ້ອງຄວນຮ່ວມແຮງຮ່ວມໃຈກັນ ເພື່ອຊຸກຍູ້ໃຫ້ທົ່ວໂລກມີຄວາມຍຸດຕິທຳແລະສະເຫມີພາບ.ສະຫະປະຊາຊາດບໍ່ຄວນຖືກຄວບຄຸມຈາກຜົນປະໂຫຍດຂອງປະເທດໃດປະເທດຫນຶ່ງ,ປະເທດສະມາຊິກຄວນເພີ່ມທະວີການຮ່ວມມືກັນ,ຮັກສາແນວຄິດຫຼາຍຝ່າຍ,ເພື່ອພະຍາຍາມສ້າງໂລກທີ່ມີຄວາມທ່ຽງທຳແລະຄວາມເປັນທຳກວ່າເກົ່າ.
ທ່ານອີເມຍຣ ຊິກ ຮາມັດ ບິນ ຄາລີຟາ ອານ ທານີຈາກປະເທດກາຕາກ່າວວ່າ,ກາຕາສະຫນັບສະຫນູນການສົນທະນາລະຫວ່າງວັດທະນະທຳຕ່າງກັນແລະອາລິຍະທຳທີ່ຕ່າງກັນ,ຫວັງໃຫ້ປະເທດທີ່ພັດທະນາແລ້ວແລະປະເທດທີ່ພວມພັດທະນາສາມາດເພີ່ມທະວີການຮ່ວມມືກັນບົນພື້ນຖານໃນການໂຄລົບສົນທິສັນຍາສາກົນ.
