ຕາມCRIລາຍງານວ່າ: ໜັງສືພິມປະຊາຊົນຂອງລາວຊຶ່ງເປັນສຽງຂອງສູນກາງພັກປະຊາຊົນປະຕິວັດລາວສະບັບວັນທີ23ກັນຍານີ້ໄດ້ລາຍງານຂ່າວໃນໜ້າທຳອິດກ່ຽວກັບທ່ານຈູມມາລີໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດແຫ່ງສປປລາວທີ່ໄປຢ້ຽມຢາມ ວິທະຍຸສາກົນແຫ່ງປະເທດຈີນຫຼືCRIໃນວັນທີ21ກັນຍານີ້,ໂດຍໄດ້ລົງພິມຮູບພາບແລະບົດປາໃສຂອງທ່ານປະທານຈູມມາລີໄຊຍະສອນທີ່ກ່າວໃນພິທີລະລຶກການອອກອາກາດຂອງCRI FM 93Mhzທີ່ນະຄອນຫຼວງວຽງຈັນຄົບຮອບ5ປີ.
ໜັງສືພິມປະຊາຊົນຂອງລາວສະບັບວັນທີ22ກັນຍານີ້ໄດ້ລາຍງານໂດຍສະຫຼຸບເຖິງຜົນສຳເລັດໃນການຢ້ຽມຢາມຈີນຂອງທ່ານປະທານຈູມມາລີໄຊຍະສອນແລະຍັງໄດ້ຖືການຢ້ຽມຢາມCRIຂອງທ່ານໃນວັນທີ21ກັນຍານີ້ເປັນກິດຈະກຳສຳຄັນອັນໜຶ່ງຂອງການຢ້ຽມຢາມຈີນໃນຄັ້ງນີ້.
