ເລຂາຄະນະເລຂາທິການສູນກາງພັກກອມມູນິດຈີນເຈລະຈາກັບຄະນະຜູ້ແທນຄະນະກຳມະການກວດກາສູນກາງພັກປະຊາຊົນປະຕິວັດລາວ
(GMT+08:00) 2011-09-23 17:41:08 cri
ຕາມຂ່າວສານຊີນຮວາ: ວັນທີ22ກັນຍານີ້, ທ່ານເຮີໂຢງ, ເລຂາຄະນະເລຂາທິການສູນກາງພັກກອມມູນິດຈີນ, ຮອງເລຂາທິການຄະນະກຳມະການກວດກາສູນກາງພັກກອມມູນິດຈີນໄດ້ຈັດການເຈລະຈາເຮັດວຽກກັບຄະນະຜູ້ແທນຄະນະກຳມະການກວດກາສູນກາງພັກປະຊາຊົນປະຕິວັດລາວຊຶ່ງນຳພາໂດຍທ່ານບຸນທອງ ຈິດມະນີ, ກຳມະການກົມການເມືອງສູນກາງພັກ,ປະທານຄະນະກຳມະການກວດກາສູນກາງພັກປະຊາຊົນປະຕິວັດລາວ.
ທ່ານເຮີໂຢງກ່າວວ່າ, ພາຍໃຕ້ຄວາມພະຍາຍາມຂອງຜູ້ນຳຂອງສອງປະເທດ, ການພົວພັນສອງພັກສອງລັດລະຫວ່າງຈີນ-ລາວໄດ້ກ້າວເຂົ້າສູ່ໄລຍະຂະຫຍາຍຕົວທີ່ໃໝ່ອ່ຽມ. ອົງການການກວດກາຂອງສອງພັກຈີນ-ລາວເພີ່ມທະວີການແລກປ່ຽນແລະການຮ່ວມມືກັນມີຄວາມໝາຍຢ່າງໃຫຍ່ຫຼວງ, ຈະຊຸກຍູ້ການພົວພັນໄມຕີຈິດມິດຕະພາບລະຫວ່າງສອງພັກສອງລັດຈີນ-ລາວໃຫ້ຂະຫຍາຍໄປໜ້າຢ່າງຮອບດ້ານແລະແຂງກວ່າເກົ່າ.ທ່ານຍັງໄດ້ແນະນຳສະພາບການສ້າງສາຂອງພັກກອມມູນິດຈີນໂດຍສະເພາະແມ່ນສະພາບການສ້າງສາດ້ານການຕໍ່ຕ້ານການສໍ້ລາດບັງຫຼວງແລະລິເລີ່ມການປົກຄອງທີ່ໂປ່ງໃສປາສະຈາກຮອຍແປ້ວ.
ທ່ານບຸນທອງ ຈິດມະນີໄດ້ຕີລາຄາສູງຕໍ່ປະສິດທິຜົນທີ່ໄດ້ຮັບຂອງຈີນໃນການດຳເນີນການກໍ່ສ້າງແບບແຜນຂອງພັກແລະການປົກຄອງທີ່ໂປ່ງໃສບໍ່ມີຮອຍແປ້ວແລະການຕໍ່ຕ້ານການສໍ້ລາດບັງຫຼວງ,ຫວັງໃຫ້ອົງການການກວດກາສູນກາງພັກຈີນ-ລາວເພີ່ມທະວີຂົງເຂດການຮ່ວມມືໃຫ້ກວ້າງຂວາງກວ່າເກົ່າຢ່າງບໍ່ຢຸດຢັ້ງ,ເພີ່ມເນື້ອໃນດ້ານການຮ່ວມມືໃຫ້ອຸດົມສົມບູນຂຶ້ນ, ຊຸກຍູ້ວຽກງານຂອງສອງປະເທດໃຫ້ພັດທະນາໄປໜ້າ.
