ທ່ານຢາງເຈຊືພົບປະກັບລັດຖະມົນຕີການຕ່າງປະເທດຂອງຫວຽດນາມ,ກຳປູເຈຍແລະໄທ
(GMT+08:00) 2011-09-25 16:13:19 cri
ຕາມຂ່າວCRI:ວັນທີ24ກັນຍານີ້,ຢູ່ສຳນັກງານໃຫຍ່ສະຫະປະຊາຊາດທີ່ນິວຢອກ,ທ່ານຢາງເຈຊື,ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະກັບທ່ານຟາມບິງມິງ,ລັດຖະມົນຕີວ່າການກະຊວງການຕ່າງປະເທດຫວຽດນາມ,ທ່ານໂຮນາມຮົງ,ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດກຳປູເຈຍແລະທ່ານ ສຸຣາພົງ ໂຕວິຈັກໄຊກຸນ,ລັດຖະມົນຕີວ່າການກະຊວງການຕ່າງປະເທດໄທ.
ໃນເວລາພົບກັບທ່ານຟາມບິງມິງ,ລັດຖະມົນຕີວ່າການກະຊວງການຕ່າງປະເທດຫວຽດ ນາມ,ທ່ານຢາງເຈຊືກ່າວວ່າ,ຫຼາຍປີມານີ້,ການພົວພັນຈີນຫວຽດນາມພັດທະນາຢ່າງໝັ້ນທ່ຽງໂດຍລວມ,ມີອະນາຄົດຢ່າງກວ້າງຂວາງ.ໃນບັນຫາທະເລຈີນໃຕ້,ສອງຝ່າຍຄວນຄຳ ນຶງເຖິງການພົວພັນສອງປະເທດຈາກລະດັບຍຸດທະສາດ,ຄຸ້ມຄອງຄວາມຂັດແຍ່ງກັນເປັນຢ່າງດີ,ຕັ້ງໜ້າປະຕິບັດຕາມ"ຖະແຫຼງການກ່ຽວກັບການກະທຳຂອງບັນດາຝ່າຍຢູ່ເຂດທະເລຈີນໃຕ້",ພະຍາຍາມຊຸກຍູ້ການຮ່ວມມືຢ່າງແທ້ຈິງໃນເຂດທະເລຈີນໃຕ້.ທ່ານຟາມບິງມິງ ກ່າວວ່າ,ປະຈຸບັນນີ້,ການພົວພັນຫວຽດນາມຈີນພວມຢູ່ໃນໄລຍະການພັດທະນາອັນສຳຄັນ,ຫວຽດນາມຍິນດີພ້ອມກັນທຳຄວາມພະຍາຍາມກັບຈີນ,ເພີ່ມການຢ້ຽມຢາມລະຫວ່າງຜູ່ນຳລະດັບສູງ,ເພີ່ມທະວີຄວາມໄວ້ເນື້ອເຊື່ອໃຈກັນທາງດ້ານຍຸດທະສາດແລະມິດຕະພາບລະຫວ່າງປະຊາຊົນສອງປະເທດ.ຫວຽດນາມຍິນດີພ້ອມກັນທຳຄວາມພະຍາຍາມກັບຈີນເພື່ອແກ້ໄຂຄວາມຂັດແຍ່ງກັນກ່ຽວກັບບັນຫາທະເລຈີນໃຕ້ຢ່າງເໝາະສົມ.
