ຕາມຂ່າວຈາກວິທະຍຸສຽງຂອງອ່າວເປີຍປູ້: ຫວ່າງມໍ່ໆມານີ້, ໃນເວລາໃຫ້ສຳພາດຕໍ່ນັກຂ່າວcri, ທ່ານພອນຄຳ ອິນທະບູລີ, ກົງສູນໃຫຍ່ລາວປະຈຳນະຄອນນານນິງເຂດປົກຄອງຕົນເອງເຜົ່າຈ້ວາງກວາງຊີຂອງຈີນກ່າວວ່າ, ສະຖານກົງສູນລາວປະຈຳນະຄອນນານນິງຈະສວຍໂອກາດທີ່ຈີນ-ລາວສາງສາຍພົວພັນທາງການທູດຄົບຮອບ50ປີ,ຊຸກຍູ້ການພັດທະນາເສດຖະກິດການຄ້າລະຫວ່າງລາວກັບເຂດກວາງຊີຂອງຈີນຕື່ມອີກ.
ທ່ານພອນຄຳ ອິນທະບູລີກ່າວວ່າ, ປີນີ້ແມ່ນປີທີ່ຈີນ-ລາວສ້າງສາຍພົວພັນທາງການທູດຄົບຮອບ50ປີ,ເພີ່ມທະວີການຮ່ວມມືກັນລະຫວ່າງລາວກັບຈີນແລະເຂດກວາງຊີຂອງຈີນກໍ່ແມ່ນໜຶ່ງໃນຍຸດທະສາດການພັດທະນາທີ່ສຳຄັນຂອງລັດຖະບານລາວ.
ທ່ານກ່າວວ່າ,ການຮ່ວມມືດ້ານເສດຖະກິດການຄ້າລະຫວ່າງຈີນກັບລາວມີຄວາມສຳຄັນຫຼາຍຕໍ່ທັງສອງປະເທດ. ໂດຍສະເພາະແມ່ນຫຼັງຈາກເຂດການຄ້າເສລີຈີນ-ອາຊຽນສ້າງສຳເລັດແລ້ວ,ການສົ່ງອອກສິນຄ້າຂອງລາວລ້ວນແຕ່ຈະຖືກປອດພາສີ, ການນຳສິນຄ້າເຂົ້າສູ່ຕະຫຼາດຂອງຈີນກໍ່ຈະສະດວກຂຶ້ນກວ່າເກົ່າ,ນີ້ລ້ວນແຕ່ຈະນຳເອົາຜົນປະໂຫຍດທີ່ແທ້ຈິງໃຫ້ແກ່ປະຊາຊົນຂອງລາວ. ພວກເຮົາຈະຊຸກຍູ້ໃຫ້ນັກທຸລະກິດຂອງເຂດກວາງຊີຂອງຈີນໄປຢ້ຽມຢາມລາວ,ຊຸກຍູ້ການຂະຫຍາຍການພົວພັນທາງດ້ານເສດຖະກິດການຄ້າລະຫວ່າງລາວກັບເຂດກວາງຊີຂອງຈີນໃຫ້ຂະຫຍາຍຕົວດີຂຶ້ນກວ່າເກົ່າ.
