ທ່ານໄຕ້ປິງກົວກ່າວເນັ້ນວ່າ,ເສັ້ນທາງການພັດທະນາໂດຍສັນຕິແມ່ນການຄັດເລືອກດ້ານຍຸດທະສາດຂອງຈີນ
(GMT+08:00) 2011-09-27 18:55:24 cri
ວັນທີ26ກັນຍານີ້,ຢູ່ລອນດອນ,ທ່ານໄຕ້ປິງກົວ,ທີ່ປຶກສາແຫ່ງລັດຈີນກ່າວເນັ້ນວ່າ,ຈີນຍຶດ ໝັ້ນເດີນຕາມເສັ້ນທາງການພັດທະນາໂດຍສັນຕິ,ນີ້ແມ່ນການຄັດເລືອກດ້ານຍຸດທະສາດຂອງຈີນ.ຈີນເດີນຕາມເສັ້ນທາງສາຍນີ້ແມ່ນປາສະຈາກຄວາມເຂົ້າໃຈແລະການສະໜັບສະໜູນຂອງປະຊາຄົມໂລກ ຊຶ່ງໃນນັ້ນລວມທັງອັງກິດບໍ່ໄດ້.ຈີນມີຄວາມຍິນດີຮ່ວມກັບປະຊາຄົມໂລກ,ເສີມຂະຫຍາຍບົດບາດທີ່ດີກວ່າເກົ່າຕໍ່ການພັດທະນາເສດຖະກິດຂອງໂລກ.
ທ່ານໄຕ້ປິງກົວກ່າວທັດສະນະດັ່ງກ່າວໃນເວລາຈັດການສົນທະນາທາງດ້ານຍຸດທະສາດຈີນອັງກິດກັບທ່ານວິລຽນ ເຮເກີ,ລັດຖະມົນຕີວ່າການກະຊວງການຕ່າງປະເທດອັງກິດໃນວັນທີ26ກັນຍານີ້.
ທ່ານໄຕ້ປິງກົວກ່າວວ່າ,ຈີນຍຶດໝັ້ນເດີນຕາມເສັ້ນທາງການພັດທະນາໂດຍສັນຕິ, ເອົາໃຈໃສ່ໃນການພັດທະນາຕົນເອງ,ໂດຍຈະບໍ່ດຳເນີນການຮຸກຮານແລະແຜ່ອຳນາດຢ່າງເດັດ ຂາດ.ຈີນຍັງແມ່ນປະເທດທີ່ພວມພັດທະນາ,ຍັງມີຄວາມຜິດໂຕນກັນຫຼາຍກັບປະເທດທີ່ໄດ້ພັດທະນາແລ້ວ.ຈີນຈະຕັ້ງໜ້າຮ່ຳຮຽນແລະຖອດຖອນເອົາບົດຮຽນທີ່ມີຜົນດີຂອງປະເທດອື່ນ,ປະຕິບັດຍຸດທະສາດໄຂປະຕູສູ່ພາຍນອກທີ່ຕ່າງຝ່າຍຕ່າງມີຜົນປະໂຫຍດ.
ທ່ານເຮເກີກ່າວວ່າ,ອັງກິດສະແດງຄວາມເຄົາລົບນັບຖືຕໍ່ຈີນທີ່ຍຶດໝັ້ນການພັດທະນາໂດຍສັນຕິ.ອັງກິດເຫັນດີເຫັນພ້ອມກັບຈີນທຳຄວາມພະຍາຍາມ,ສືບຕໍ່ປັບປຸງການພົວພັນລະຫວ່າງສອງປະເທດໃຫ້ດີຂຶ້ນຢ່າງບໍ່ຢຸດຢັ້ງ.ຜູ່ຊ່ຽວຊານຂອງອັງກິດໂດຍທົ່ວໄປກໍ່ເຫັນວ່າ,ປະຈຸບັນນີ້,ໂລກພວມຢູ່ໃນຂະບວນການອັນສັບສົນທີ່ສະແຫວງຫາຄວາມກ້ຳເກີ່ງກັນຄືນໃໝ່.ເສດຖະກິດຂອງຈີນແລະປະເທດພວມພັດທະນາທີ່ຈະເລີນໃໝ່ຮັກສາທ່ວງທ່າເຕີບໂຕເປັນຢ່າງດີ,ມີການປະກອບສ່ວນນັບມື້ນັບຫຼາຍຕໍ່ເສດຖະກິດໂລກນັບມື້ນັບຫຼາຍຂຶ້ນ.
