ຈີນເຮັດວຽກຂອງຕົນເອງໃຫ້ດີກໍ່ເປັນການປະກອບສ່ວນໃຫ້ແກ່ໂລກ
(GMT+08:00) 2011-09-29 17:29:27 cri
ທ່ານຫລີເຄີ້ຊຽງ, ຮອງນາຍົກລັດຖະມົນຕີຈີນກ່າວຢູ່ນະຄອນຫລວງປັກກິ່ງໃນວັນທີ 28 ກັນຍານີ້ວ່າ: ລັດຖະບານຈີນຈະສືບຕໍ່ຖືການເຮັດໃຫ້ລະດັບລວມຂອງລາຄາສິນຄ້າມີຄວາມຫມັ້ນທ່ຽງເປັນຫນ້າທີ່ສຳຄັນອັນດັບຫນຶ່ງຂອງການດັດສົມທາງມະຫາພາກ,ເລັ່ງລັດການຫັນປ່ຽນຮູບແບບການພັດທະນາທາງດ້ານເສດຖະກິດ,ຊຸກຍູ້ເສດຖະກິດໃຫ້ມີການພັດທະນາຢ່າງຫມັນທ່ຽງແລະອ່າວໄວໃນໄລຍະ. ຈີນເຮັດວຽກຂອງຕົນເອງໃຫ້ດີກໍ່ແມ່ນເປັນການປະກອບສ່ວນໃຫ້ໂລກ.
ທ່ານຫລີເຄີ້ຊຽວໄດ້ກ່າວຄຳເວົ້າດັ່ງກ່າວໃນເວລາຕ້ອນຮັບຜູ່ຮັບຜິດຊອບຂອງອົງ ການວາງແຜນແລະສະຖິຕິ 28 ປະເທດແລະອົງການຈັດຕັ້ງສາກົນຂອງກອງປະຊຸມເວທີປຶກສາຫາລືກ່ຽວກັບການຕິດຕາມການພັດທະນາຂອງປະເທດ:ບັນຫາກັບສິ່ງທ້າທາຍ.ທ່ານກ່າວວ່າ, ປັດຈຸບັນ, ສະພາບແວດລ້ອມທາງເສດຖະກິດສາກົນມີເງື່ອນໄຂທີ່ບໍ່ຫມັ້ນທ່ຽງແລະບໍ່ແນ່ນອນເພີ່ມຂຶ້ນຢ່າງເດັ່ນຊັດ.ພາຍໃຕ້ສະພາບການຄືແນວນີ້,ການເພີ່ມທະວີທາງດ້ານສະຖິຕິແລະການຕິດຕາມກວດກາ, ສະຫນອງຂໍ້ມູນຂ່າວສານທີ່ແທ້ຈິງ, ຄົບຖ້ວນແລະທັນການນັ້ນ, ກໍ່ແມ່ນການສ້າງເງື່ອນໄຂທີ່ອຳນວຍຄວາມສາມາດເປັນບ່ອນອີງໃຫ້ແກ່ການວິເຄາະສະຖານະການຢ່າງຖືກຕ້ອງ,ແລະວາງນະໂຍບາຍຕາມຫລັກວິທະຍາສາດທີ່ມີຜົນດີຕໍ່ບັນດາຝ່າຍເພີ່ມຄວາມຮັບຮູ້ຄືກັນ, ຊຸກຍູ້ປະທດຕ່າງໆຮ່ວມມືກັນໃນການນຳໃຊ້ນະໂຍບາຍ, ຊຸກຍູ້ເສດຖະກິດໂລກໃຫ້ຟື້ນຕົວຢ່າງຫມັ້ນທ່ຽງ.
