ແຜ່ນດິນໃຫຍ່ຈີນ, ໄຕ້ຫວັນຈີນຮ່ວມກັບ 8 ປະເທດຂອງອາຊຽນໄດ້ທຳລາຍສອງກຸ່ມຕົ້ມຕຸນທາງໂທລະສັບຂ້າມຊາດ
(GMT+08:00) 2011-09-29 17:31:11 cri
ວັນທີ 28 ກັນຍານີ້, ກະຊວງປ້ອງກັນຄວາມສະຫງົບຂອງຈີນໄດ້ຊີ້ນຳພາກສ່ວນປ້ອງກັນຄວາມສະຫງົບຈາກ 10 ເຂດແຂວງຂອງແຜ່ນດິນໃຫຍ່ຈີນ, ໄດ້ຣ່ວມມືກັບຕຳຫລວດຂອງ ໄຕ້ຫວັນຈີນ,ແລະອີກ 8 ປະເທດອາຊຽນຄື:ລາວ,ອິນໂດເນເຊຍ,ກຳປູເຈຍ, ຟິລິບປິນ, ຫວຽດນາມ, ໄທ, ມາເລເຊຍ,ສິງກະໂປເຄື່ອນໄຫວພ້ອມດຽວກັນ,ໄດ້ທຳລາຍສອງກຸ່ມຕົ້ມຕຸນທາງໂທລະສັບຂ້າມຊາດ,ຈັບຜູ່ຕ້ອງຫາໄດ້ 828 ຄົນ, ໃນນັ້ນມີຜູ່ຕ້ອງຫາຈາກແຜ່ນດິນໃຫຍ່ຈີນ 532 ຄົນ, ຜູ່ຕ້ອງຫາຈາກໄຕ້ຫວັນຈີນ 284 ຄົນ, ອີກ 12 ຄົນແມ່ນມີສັນຊາດຂອງບັນດາປະເທດອາຊຽນ,ເຊິ່ງມີສ່ວນພົວພັນກັບເງິນ 220 ລ້ານຢວນ.
ເລີ່ມແຕ່ຕົ້ນປີນີ້ມາ, ຢູ່ແຂວງກວາງຕຸງແລະແຫ່ງອື່ນໆຂອງຈີນໄດ້ເກີດຄະດີຫລອກຕົ້ມເງິນໂດຍຜ່ານທາງໂທລະສັບໂດຍຖືເອົາການໃຫ້ເງິນກູ້ຢືມຈຳນວນຫນ້ອຍ. ເມື່ອຜ່ານການກວດກາແລ້ວ,ອົງການປ້ອງກັນຄວາມສະຫງົບເຫັນວ່າ,ບ່ອນຫລອກຕົ້ມແຫ່ງທີຫນຶ່ງແມ່ນຕັ້ງຢູ່ແຜ່ນດິນໃຫຍ່ຈີນ, ໄຕ້ຫວັນຈີນ, ຟິລິບປິນ, ໄທ,ຫວຽດນາມ,ແລະອິນໂດເນເຊຍ,ບ່ອນຫລອກຕົ້ມແຫ່ງທີສອງຕັ້ງຢູ່ອິນໂດເນເຊຍ, ກຳປູເຈຍ, ຟິລິບປິນ,ຫວຽດນາມ, ໄທ,ລາວ, ມາເລເຊຍແລະສິງກະໂປ, ເຊິ່ງການຫລອກຕົ້ມເຫລົ່ານີ້ແມ່ນແນໃສ່ປະຊາຊົນຢູ່ແຜ່ນດິນໃຫຍ່ຈີນແລະໄຕ້ຫວັນຈີນ, ຕ່າງກໍ່ມີສ່ວນພົພວັນກັບເງິນ ຈຳນວນ 120 ລ້ານຢວນແລະ 100 ກວ່າລ້ານຢວນ.
