ຮອງຜູ່ບັນຊາການໃຫຍ່ໂຄງການການບິນອາວະກາດບັນທຸກມະນຸດຂອງຈີນແນະ ນຳຍານອາວະກາດ"ທ່ຽນກົ່ງເລກ1"
(GMT+08:00) 2011-09-29 19:11:08 cri
ໃນເວລາກ່ອນຍານອາວະກາດ"ທ່ຽນກົ່ງເລກ1"ຈະຖືກສົ່ງຂຶ້ນສູ່ອາວະກາດໃນຕອນຄ່ຳວັນທີ29ກັນຍານີ້,ຢູ່ສູນສົ່ງດາວທຽມ"ຈິວຊວນ"ຂອງຈີນ,ທ່ານນິວຮົງກວ່າງ,ຮອງຜູ່ບັນຊາການໃຫຍ່ໂຄງການການບິນອາວະກາດບັນທຸກມະນຸດຂອງຈີນໄດ້ແນະນຳວຽກງານເຊື່ອມຕໍ່ລະຫວ່າງຍານອາວະກາດ"ທ່ຽນກົງເລກ1"ກັບຍານອາວະກາດ"ເຊິນໂຈ່ວເລກ8"ທີ່ມີອິດທິພົນຕໍ່ຕ່າງປະເທດເປັນເທື່ອທຳອິດ.
ທ່ານນິວຮົງກວ່າງກ່າວວ່າ,ຍານອາວະກາດ"ທ່ຽນກົ່ງເລກ1"ແມ່ນຮູບຈຳລອງຂອງ ຫ້ອງທົດລອງອາວະກາດຂອງຈີນ.ທ່ານກ່າວວ່າ:"ຍານອາວະກາດ"ທ່ຽນກົ່ງເລກ1"ແມ່ນຍານອາວະກາດບັນທຸກມະນຸດທີ່ຄົ້ນຄວ້າຜະລິດໃໝ່,ແມ່ນຍານອາວະກາດບິນຕາມວົງໂຄ ຈອນຕ່ຳທີ່ມີອາຍຸການນຳໃຊ້ດົນກວ່າໝູ່ຂອງຈີນ,ອາດເວົ້າໄດ້ວ່າ,ແມ່ນຫ້ອງທົດລອງອາວະກາດແບບງ່າຍດາຍ."
ຍ້ອນວ່າຍານອາວະກາດນີ້ມີຮູບຊົງບັ້ງ,ສະນັ້ນ,ມັນເຄີຍຖືກເອີ້ນວ່າແມ່ນ"ລູກຕຸ້ຍ" ທີ່ມີນ້ຳໜັກເກີນ8ໂຕນ.ທ່ານນິວຮົງກວ່າງໄດ້ແນະນຳຍານອາວະກາດນີ້ດ້ວຍຕົວເລກຢ່າງລະອຽດ.ທ່ານກ່າວວ່າ:"ຍານອາວະກາດ"ທ່ຽນກົງເລກ1"ປະກອບດ້ວຍຫ້ອງທົດລອງແລະຫ້ອງຊັບພະຍາກອນ,ຍາວທັງໝົດ10,4ແມັດ,ເສັ້ນຜ່າກາງຂອງບ່ອນກວ້າງທີ່ສຸດແມ່ນ 3,35ແມັດ,ມີນ້ຳໜັກ8ໂຕນເຄິ່ງ.ຕາມການອອກແບບ,ອາຍຸການນຳໃຊ້ຕາມວົງໂຄຈອນ ຂອງຍານອາວະກາດນີ້ແມ່ນ2ປີ.ໃນນັ້ນ,ນັກບິນອາວະກາດ2-3ຄົນຈະສາມາດປະຈຳການໄດ້ໃນຫ້ອງທົດລອງ,ຢູ່ທາງໜ້າໄດ້ຕິດຕັ້ງເຄື່ອງເຊື່ອມຕໍ່ເພື່ອສຳເລັດວຽກງານເຊື່ອມຕໍ່ກັບຍານອາວະກາດອື່ນ;ຫ້ອງຊັບພະຍາກອນມີຈຸດປະສົງສະໜອງແມ່ແຮງແລະພະລັງງານໃຫ້ແກ່ຍານອາວະ ກາດ."
ທ່ານນິວຮົງກວ່າງບອກໃຫ້ຮູ້ວ່າ,ຍານອາວະກາດ"ທ່ຽນກົ່ງເລກ1"ແມ່ນຍານອາ ວະກາດທີ່ໃຫຍ່ກວ່າໝູ່ແລະໜັກກວ່າໝູ່ຂອງຈີນໃນປະຈຸບັນນີ້.ເພື່ອສົ່ງຍານອາວະກາດນີ້ຂຶ້ນສູ່ອາວະກາດຢ່າງສຳເລັດຜົນ,ຈະຫຼວດສົ່ງຍານ"ຊາງເຈິ່ງເລກ2FT1"ທີ່ຮັບຜິດ ຊອບວຽກງານສົ່ງນັ້ນກໍ່ໄດ້ຮັບການດັດແປງເພື່ອວຽກງານນີ້.
ທ່ານນິວຮົງກວ່າງຍັງໄດ້ແນະນຳວຽກງານຕົ້ນຕໍໃນການບິນເທື່ອນີ້ຂອງຍານອາວະກາດ"ທ່ຽນກົ່ງເລກ1".ທ່ານກ່າວວ່າ: "ໜ້າທີ່ຕົ້ນຕໍຂອງວຽກງານການບິນຂອງຍານອາວະກາດ"ທ່ຽນກົ່ງເລກ1"ແມ່ນເພື່ອສຳເລັດການທົດລອງແລະກຳກັບເຕັກນິກໃນການເຊື່ອມຕໍ່ລະຫວ່າງຍານອາວະກາດກັບຍານອາວະກາດ.ສ້າງເວທີທົດລອງບັນທຸກຄົນຢູ່ອາວະກາດທີ່ບິນຕາມວົງໂຄຈອນຢ່າງເປັນອິດສະລະເປັນເວລາດົນນານແລະມີຄົນດູແລເປັນໄລຍະສັ້ນ,ດຳເນີນການທົດລອງທີ່ໃຫ້ນັກການບິນອາວະກາດປະຈຳຢູ່ອາວະກາດເພື່ອສະສົມບົດຮຽນແກ່ການຄົ້ນຄວ້າສ້າງຕັ້ງສະຖານີອາວະກາດ.ແລະຍັງມີໜ້າທີ່ດຳເນີນການກວດກາວັດແທກຕໍ່ສິ່ງແວດລ້ອມອາວະກາດ,ດຳເນີນການທົດລອງທາງດ້ານວິທະຍາສາດ,ແພດສາດແລະເຕັກນິກອາວະກາດຢູ່ໃນອາວະກາດ."
