ສື່ມວນຊົນຫຼາຍປະເທດໃຫ້ຄວາມສົນໃຈຫຼາຍນຳການສົ່ງຍານອະວະກາດ"ທຽນກົ່ງ"ເລກ1ຂອງຈີນ
(GMT+08:00) 2011-09-30 19:53:56 cri
ຍານອະວະກາດ "ທຽນກົ່ງ"ເລກ1 ເຊິ່ງເປັນຫ້ອງທົດລອງອາວະກາດແຫ່ງທຳອິດຂອງຈີນໄດ້ຖືກສົ່ງຂຶ້ນສູ່ອາວະກາດຢ່າງສຳເລັດຜົນໃນເວລາ 21ໂມງ16ນາທີຂອງວັນທີ29ກັນຍານີ້. ສື່ມວນຊົນຕ່າງປະເທດລ້ວນແຕ່ມີຄວາມສົນໃຈຫຼາຍຕໍ່ເລື່ອງນີ້,ແລະກ່າວວ່າການສົ່ງຍານອາວະກາດ "ທຽນກົ່ງ"ເລກ1ຂຶ້ນສູ່ອະວະກາດຢ່າງສຳເລັດຜົນແມ່ນຜົນສຳເລັດອັນຍິ່ງໃຫຍ່ຂອງຈີນ.
ຕາມການລາຍງານຂອງເວບໄຊຂ່າວຂອງອາວະກາດອາເມລິກາລາຍງານວ່າ: ຫ້ອງທົດລອງອາວະກາດ "ທຽນກົ່ງ"ຂອງຈີນຈະດຳເນີນການທົດລອງເຕັກນິກເຊື່ອມ ກັບຍານອະວະກາດ"ເສີນໂຈ່ວ",ນີ້ແມ່ນບາດກ້າວທີ່ສຳຄັນຂອງຈີນໃນການບັນລຸເປົ້າໝາຍທີ່ສ້າງສຳເລັດສະຖານີອາວະກາດບັນທຸກມະນຸດ. ການສົ່ງພາກສ່ວນທີ່ທົດລອງຢູ່ໃນຫ້ອງທົດລອງເທິງອະວະກາດແຫ່ງທຳອິດແມ່ນຂີດໝາຍປະຫວັດສາດອັນໃຫຍ່ຫຼວງຂອງແຜນການໃນໂຄງການອາວະກາດຂອງຈີນ.
ບົດຄວາມຂອງຂ່າວສານລອຍເຕີຂຽນວ່າ, ຈີນສົ່ງຍານອາວະກາດ"ທຽນກົ່ງ"ເລກ1ຂຶ້ນສູ່ອາວະກາດຢ່າງສຳເລັດຜົນ, ໄດ້ສ້າງເສັ້ນທາງໃຫ້ແກ່ການສ້າງສະຖານີອາຍະກາດແຫ່ງທຳອິດ, ຫຼຸດຄວາມຜິດໂຕນກັນລະຫວ່າງຈີນທີ່ເປັນປະເທດໃຫຍ່ຂອງອາຊີທີ່ຫາກໍ່ຈະເລີນຂຶ້ນກັບອາເມລິກາແລະຣັດເຊຍໃນຂົງເຂດການບິນອາວະກາດບັນທຸກມະນຸດ,ນີ້ສະແດງໃຫ້ເຫັນຄວາມສາມາດຕົວຈິງທາງດ້ານອາວະກາດຂອງຈີນທີ່ເຂັ້ມແຂງຂຶ້ນ.
ຕາມບົດຄວາມຂ່າວສານDPAລາຍງານວ່າ,ນີ້ໝາຍເຖິງຈີນໄດ້ຢ່ວງບາດກ້າວທີ່ສຳຄັນໃນການບັນລຸເປົ້າໝາຍທີ່ສ້າງສະຖານີອາວະກາດຖາວອນໃນ10ປີຂ້າງໜ້າ. ບົດຄວາມຍັງໄດ້ນຳເອົາຄຳເວົ້າຂອງນັກວິເຄາະອົສຕາລີມາລາຍງານວ່າ,ນີ້ມີຜົນດີຕໍ່ການຍົກສູງຄວາມພາກພູມໃຈຂອງປະຊາຊົນແລະຄວາມເຊື່ອໝັ້ນຕໍ່ລັດຖະບານໃນໄລຍະຄວາມຫຍຸ້ງຍາກ.
ຕາມໜັງສືພິມຊັນເກອີ ຊິມບຸນຂອງຍີ່ປຸ່ນລາຍງານວ່າ, ຖ້າວ່າຍານອາວະກາດເສີນໂຈ່ວເລກ8ຂອງຈີນທີ່ຈະຖືກສົ່ງຂຶ້ນສູ່ອາວະກາດໃນເດືອນພະຈິກປີນີ້ສາມາດເຊື່ອມຕໍ່ກັບຍານອາວະກາດ"ທຽນກົ່ງ"ເລກ1ຢ່າງສຳເລັດຜົນ,ວຽກງານການບິນອາວະກາດຂອງຈີນຈະກ້າວຂຶ້ນສູ່ຂັ້ນໄດ.
ຕາມໜັງສືພິມລາຍວັນຂອງສ.ເກົາຫຼີລາຍງານວ່າ, ການສົ່ງຍານອາວະກາດ"ທຽນກົ່ງ"ເລກ1ຂຶ້ນສູ່ອາວະກາດແມ່ນບາດກ້າວທີ່ສຳຄັນໃນໂຄງການອາວະກາດຂອງຈີນ,ຖັດຈາກອາເມລິກາແລະຣັດເຊຍ,ຈີນກໍ່ມີຄວາມກ້າວໜ້າໃນການບັນລຸເປົ້າໝາຍທີ່ສ້າງ "ສະຖານີອາວະກາດດ້ວຍຄວາມເປັນເຈົ້າຕົນເອງ".
ເວບໄຊສະຖານີໂທລະພາບRede Globoບຼາຊິນລາຍງານວ່າ, ການສົ່ງ"ທຽນກົ່ງ"ເລກ1ຢ່າງສຳເລັດຜົນແມ່ນບາດກ້າວບາດທຳອິດຂອງຈີນໃນການສ້າງສະຖານີອາວະກາດດ້ວຍຄວາມເປັນເຈົ້າການກ່ອນຫຼືຫຼັງປີ2020,ໜ້າທີ່ຕົ້ນຕໍແມ່ນເພື່ອຖອດຖອນບົດຮຽນໃຫ້ແກ່ການເຊື່ອມຕໍ່ກັນຂອງຍານອາວະກາດໃນອາວະກາດໃນອະນາຄົດ. ຈີນພວມຫຼຸດຄວາມຜິດໂຕນກັນກັບອາເມລິກາແລະຣັດເຊຍໃນຂົງເຂດເຕັກໂນໂລຊີດ້ານອາວະກາດເທື່ອລະກ້າວ.
