ແຫ່ງຕ່າງໆຂອງຈີນສະເຫຼີມສະຫຼອງວັນຊາດສປຈີນຄົບຮອບ62ປີດ້ວຍຫຼາຍຮູບຫຼາຍແບບ
(GMT+08:00) 2011-10-02 16:13:19 cri
ວັນທີ1ຕຸລານີ້ແມ່ນວັນລະລຶກສປຈີນສ້າງຕັ້ງຂຶ້ນຄົບຮອບ62ປີ.ຕອນເຊົ້າມື້ດຽວກັນ, ທ່ານຫູຈິນທາວ ທ່ານອູປ່າງໂກະ,ທ່ານເວິ່ນເຈ່ຍປາວແລະຜູ່ນຳຈີນທ່ານອື່ນໆໄດ້ໄປຮອດສະໜາມຫຼວງທຽນອ່ານເມີນນະຄອນຫຼວງປັກກິ່ງພ້ອມກັນກັບຜູ່ແທນວົງການຕ່າງໆຂອງນະຄອນຫຼວງປັກກິ່ງມອບກະຕ່າດອກໄມ້ແດ່ອະນຸສາວະລີວິລະຊົນປະຊາຊົນເພື່ອໄວ້ອາໄລຢ່າງສຸດຊຶ້ງເຖິງນັກປະຕິວັດຜູ່ເສຍສະຫະ.
ພ້ອມດຽວກັນນັ້ນ,ແຫ່ງຕ່າງໆໃນທົ່ວປະເທດຈີນກໍ່ໄດ້ຈັດກິດຈະກຳທີ່ອຸດົມສົມບູນແລະມີຫຼາກຫຼາຍສີສັນເພື່ອສະແດງຄວາມອວຍພອນຕໍ່ມາຕຸພູມປະເທດຊາດ.ຢູ່ນະຄອນເຊ້ຍເມີນ ແຂວງຟູຈ້ຽນ,ນັກຮຽນປະຖົມແລະມັດທະຍົມເກືອບ200ຄົນໄດ້ຈັດກິດຈະກຳຍ້ອງຍໍສັນລະເສີນປະເທດຊາດດ້ວຍຈິດໃຈເດັກທີ່ບໍລິສຸດຢູ່ສວນອະນຸສາວະລີຜູ່ເສຍລະຫຼະເພື່ອປະເທດຊາດ,ເດັກນ້ອຍທັງຫຼາຍໄດ້ຈັດພິທີຊັກທຸງຊາດຂຶ້ນສູ່ຍອດເສົາ,ຮ້ອງເພງຊາດ,ຟ້ອນລຳທຳເພງເພື່ອສະແດງຈິດໃຈຮັກຫອມປະເທດຊາດ.ໃນງານເອັສໂປພືດແລະດອກໄມ້ໂລກທີ່ຈັດຂຶ້ນຢູ່ນະຄອນຊີ່ອ່ານທີ່ເປັນເມືອງເກົ່າແກ່ບູຮານຂອງແຂວງສ້ານຊີ່,ຝ່າຍຈັດກິດຈະກຳໄດ້ຈັດໃຫ້ມີລາຍການສະແດງສິລະປະວັນນະຄະດີຫຼາຍຮອບໃນຍາມພັກວັນຊາດຈີນເຊັ່ນລະຄອນດົນຕີ,ການແຂ່ງຂັນເຕັ້ນລຳແລະອື່ນໆເພື່ອສ້າງຄວາມເບີກບານມ່ວນຊື່ນໃຫ້ແກ່ປະຊາຊົນໃນໄລຍະສະຫຼອງວັນຊາດຈີນ.ຢູ່ນະຄອນສາງຊຸນແຂວງຈີລີນ,ຄົນທັງຫຼາຍໃສ່ຊຸດປະຈຳເຜົ່າຮ້ານ, ຖືທຸງແດງນ້ອຍ,ຮ້ອງເພງມູນເຊື້ອລວມໝູ່ຢ່າງເປັນເຈົ້າການເພື່ອສະເຫຼີມສະຫຼອງວັນຊາດ.
