ຕາມຂ່າວໜັງສືພິມຢືນມິນຢື້ປ້າວ:ວັນທີ2 ຕຸລານີ້,ກົມປ້ອງກັນແລະບັນເທົາສາທາລະນະໄພຂອງກະຊວງມະຫາດໄທກ່າວວ່າ,ນ້ຳຖ້ວມຍ້ອນຝົນຕົກແຮງຢ່າງຕໍ່ເນື່ອງເຮັດໃຫ້ມີຜູ່ເສຍຊີວິດ206ຄົນ,ແລະຫາຍສາບສູນ2ຄົນ.ປັດຈຸບັນ,76ຈັງຫວັດມີ23ຈັງຫວັດປະສົບໄພຢ່າງໜັກໜ່ວງ,ເຮັດໃຫ້ປະຊາຊົນ1ລ້ານ8ແສນຄົນໄດ້ຮັບຜົນກະທົບ,ເນື້ອທີ່ນາທີ່ປະສົບໄພຫຼາຍກວ່າ8ແສນ1ໝື່ນເຮັກຕາ.ໃນນັ້ນສະພາບໄພນ້ຳຖ້ວມຢູ່ບາງຈັງຫວັດໄດ້ສືບຕໍ່ມາເປັນເວລາ2ເດືອນແລ້ວ.
ລັດຖະບານໄທພວມສຸມກຳລັງຕ້ານນ້ຳຖ້ວມກູ້ໄພ.ທ່ານນາງຢິ່ງລັກ ຊິນນະວັດໄດ້ລົງສຳຫຼວດກວດກາຢູ່ເຂດປະສົບໄພຫຼາຍເທື່ອ. ນາງຮຽກຮ້ອງໃຫ້ລັດຖະມົນຕີຂອງທຸກກະຊວງຄະນະລັດຖະບານລົງສູ່ເຂດປະສົບໄພແລະຊ່ອຍກູ້ໄພ.ໃນຄຳປາໄສຜ່ານທາງໂທລະພາບໃນວັນທີ1 ຕຸລານີ້,ທ່ານນາງຢິ່ງລັກກ່າວວ່າ,ປັດຈຸບັນ,ລັດຖະບານໄດ້ສະສົມທຶນກູ້ໄພ363ລ້ານບາດ.ທາງການທະຫານໄທກໍ່ເຂົ້າຮ່ວມການກູ້ໄພ.ລັດຖະບານໄດ້ສົ່ງທະຫານ1ໝື່ນກວ່າຄົນເຂົ້າຊ່ວຍກູ້ໄພ,ແລະສົ່ງໜ່ວຍງານປິ່ນປົວໄປເຂດປະສົບໄພ12ຄະນະ,ເພື່ອໃຫ້ການປິ່ນປົວແລະໃຫ້ການປຶກສາຫາລືທາງຈິດໃຈໃຫ້ປະຊາຊົນທີ່ປະສົບໄພ.
