ວັນທີ4 ຕຸລານີ້,ທ່ານອານເບີດ ເດວ ໂຣຊາຣີໂອ ລັດຖະມົນຕີວ່າການກະຊວງການຕ່າງປະເທດຟີລິບປິນກ່າວວ່າ,ເພື່ອຈຳກັດງົບປະມານ,ກະຊວງການຕ່າງປະເທດຟີລິບປິນວາງແຜນຈະປິດສະຖານທູດສະຖານກົງສຸນປະຈຳຕ່າງປະເທດ12ແຫ່ງ.
ມື້ດຽວກັນ,ໃນງານຟັງຫຼັກຖານຂອງຄະນະກຳມະການການເງິນຂອງສະພາແຫ່ງຊາດຟີລິບປິນ,ທ່ານໂຣຊາຣິໂອກ່າວວ່າ,ກະຊວງການຕ່າງປະເທດຟີລິບປິນໄດ້ສະເໜີຂໍ້ສະເໜີທີ່ປິດສະຖານທູດແລະສະຖານກົງສຸນປະຈຳຕ່າງປະເທດ12ແຫ່ງໃຫ້ທ່ານປະທານາທິບໍດີອາກີໂນ.ທ່ານກ່າວວ່າ,ນີ້ແມ່ນສ່ວນໜຶ່ງຂອງແຜນການ"ຫັນເປັນສົມເຫດສົມຜົນ"ຂອງກະຊວງການຕ່າງປະເທດຟີລິດປິນ,ເປົ້າໝາຍແມ່ນນຳໃຊ້ຊັບພະຍາກອນທີ່ມີຈຳກັດຢ່າງມີຜົນສັກສິດ.ແຕ່ທ່ານບໍ່ໄດ້ແຈ້ງໃຫ້ຮູ້ຊື່ຂອງສະຖານທູດສະຖານກົງສຸນທີ່ຈະຖືກປິດ.
ທ່ານກ່າວວ່າ,ກະຊວງການຕ່າງປະເທດຟີລິບປິນສະເໜີວ່າຈະປິດສະຖານທູດສະຖານກົງສຸນປະຈຳຕ່າງປະເທດ6ແຫ່ງໃນຕົ້ນປີໜ້າ,ແລະຈະປິດອີກ6ແຫ່ງໃນປີ2013.ຖ້າຫາກໄດ້ຮັບການອະນຸຍາດຂອງປະທານາທິບໍດີ,ແຜນການປິດອາດສະຖານທູດແລະຖະຖານກົງສຸນປະຈຳຕ່າງປະເທດຈະສຳເລັດກ່ອນທ້າຍປີ2012.
ທ່ານເດວ ໂຣຊາຣິໂອກ່າວວ່າ,ການປິດສະຖານທູດສະຖານກົງສຸນເຫຼົ່ານີ້ແມ່ນບົນພື້ນຖານທີ່ຈຳນວນການຄ້າແລະການລົງທຶນ,ຈໍານວນນັກທ່ອງທ່ຽວແລະຈຳນວນຄົນຟີລິບປິນຢູ່ແຫ່ງນັ້ນເປັນຕົ້ນຕໍ,ສະຖານທູດສະຖານກົງສູນປະຈຳປະເທດໃກ້ຄຽງຈະດຳເນີນວຽກງານເປັນປົກກະຕິເພື່ອນເດີມ.
