ຊີຣີກ່າວວ່າຈະດຳເນີນການປະຕິຮູບໃນຂົງເຂດຕ່າງໆ
(GMT+08:00) 2011-10-06 18:53:45 cri
ວັນທີ5ຕຸລານີ້, ທ່ານນາງ ບຸດທານາ ຊາບານ, ທີ່ປຶກສາການເມືອງແລະສື່ມວນຊົນຂອງປະທານາທິບໍດີຊີຣີກ່າວວ່າ, ຊີຣີຈະດຳເນີນການປະຕິຮູບໃນຂົງເຂດການເມືອງ,ເສດຖະກິດ,ວັດທະນະທຳ,ການສຶກສາແລະຂົງເຂດອື່ນໆ, ລັດຖະບານຊີຣີຈະສຸມກຳລັງເຂົ້າໃນການເປີດກວ້າງປະຊາທິປະໄຕ, ຊຶ່ງປະຊາທິປະໄຕຂອງຊີຣີຈະສອດຄ່ອງກັບສະພາບຄວາມເປັນຈິງຂອງປະເທດຕົນ.
ວັນທີ4ຕຸລານີ້, ສະພາຄວາມໝັ້ນຄົງສະຫະປະຊາຊາດໄດ້ລົງຄະແນນສຽງຕໍ່ມະຕິຕົກລົງສະບັບຊຶ່ງກ່ຽວກັບບັນຫາຊີຣີທີ່ຝລັ່ງ,ອັງກິດແລະປະເທດອື່ນໆຍື່ນໃຫ້,ແຕ່ບໍ່ຖືກຮັບຮອງຜ່ານ. ວັນທີ5ຕຸລານີ້, ນາງບຸດທານາ ຊາບານກ່າວໃນເວລາໃຫ້ສຳພາດຕໍ່ນັກຂ່າວວ່າ,ນີ້ຈະມີຜົນດີຕໍ່ການຟື້ນຟູຄວາມໝັ້ນຄົງແລະສະຖຽນລະພາບຂອງຊີຣີແລະລົງເລິກການປະຕິຮູບ.
ນາງ ບຸດທານາ ຊາບານກ່າວວ່າ, ການລົງໂທດຂອງບາງປະເທດທິດຕາເວັນຕົກນັ້ນເປັນການທຳລາຍສະຖຽນລະພາບຂອງປະເທດເຫຼົ່ານັ້ນຕໍ່ຊີຣີແລະປະເທດອື່ນໆ.
