ຕາມຂ່າວສານຊິນຮວາ, ອິນໂດເນເຊຍແລະອົດຕຼາລີຈະສຸມກໍາລັງເຂົ້າໃນການຍົກລະດັບການພົວພັນສອງຝ່າຍຢ່າງຮອບດ້ານ, ນອກຈາກການໄປມາຫາສູ່ກັນລະຫວ່າງຝ່າຍທາງການສອງປະເທດແລ້ວ,ການແລກປ່ຽນລະຫວ່າງປະຊາຊົນສອງຝ່າຍກໍ່ນັບມື້ນັບໄດ້ຮັບຄວາມເອົາໃຈໃສ່.
ໃນກອງປະຊຸມສົນທະນາທີ່ມີຫົວຂໍ້ວ່າ "ການຕ່າງປະເທດປະຊາຊົນ"ທີ່ອົສຕຼາລີຈັດຂຶ້ນໃນຫວ່າງກ່ອນນີ້, ນັກວິຊາການ,ອະດີດເຈົ້າໜ້າທີ່ຂອງລັດຖະບານ,ນັກສັງເກດການ,ຜູ້ຕາງໜ້າຊາວໜຸ່ມທີ່ມາຈາກອິນໂດເນເຊຍແລະອົສຕຼາລີໄດ້ກ່າວວ່າ,ຈະຊຸກຍູ້ການພົວພັນສອງຝ່າຍກ້າວສູ່ລະດັບໃໝ່.
ທ່ານລີຈາ ສຸກມາ,ນັກວິຊາການສູງສຸດສູນຄົ້ນຄວ້າຍຸດທະສາດແລະສາກົນອິນໂດເນເຊຍກ່າວວ່າ,ການເຂົ້າຮ່ວມຂອງປະຊາຊົນຈະສະໜອງຊ່ອງຫວ່າງທີ່ກວ້າງຂວາງກວ່າເກົ່າແລະໂອກາດຮ່ວມມືຫລາຍກວ່າເກົ່າແກ່ຊາວໜຸ່ມສອງປະເທດ, ເພີ່ມຄວາມເຂົ້າໃຈກັນລະຫວ່າງປະຊາຊົນສອງຝ່າຍ,ຊຸກຍູ້ການພັດທະນາຂອງການພົວພັນສອງຊາດ.
