ຈີນສະເໜີໃຫ້ຫຼາຍປະເທດຮ່ວມກັນຮ້ອງຂໍເຂົ້າ"ບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸຂອງໂລກ"
(GMT+08:00) 2011-10-09 17:59:10 cri
ວັນທີ8ກັນຍານີ້,ທ່ານໄຊຫວູ,ລັດຖະມົນຕີວ່າການກະຊວງວັດທະນະທຳຈີນກ່າວວ່າ,ກ່ຽວກັບໂຄງການມໍລະດົກວັດທະນະທຳທີ່ບໍ່ແມ່ນວັດຖຸທີ່ຂຶ້ນກັບສອງປະເທດຫຼືຫຼາຍປະເທດ,ຈີນສະເໜີໃຫ້ສ້າງຕັ້ງຄະນະກຳມະການວຽກງານປະສົມ,ຮ່ວມກັນຮ້ອງຂໍເຂົ້າ "ບັນຊີລາຍຊື່ມໍລະດົກວັດທະນະທຳທີ່ບໍ່ແມ່ນວັດຖຸຂອງໂລກ".
ໃນເວລາເຂົ້າຮ່ວມ"ງານສົນທະນາຂອງລັດຖະມົນຕີວ່າການກະຊວງວັດທະນະທຳຂອງອາຊີ"ຢູ່ຮົງກົງ,ທ່ານໄຊຫວູກ່າວວ່າ,ຈີນແລະປະເທດອາຊີລ້ວນແຕ່ມີພື້ນຖານວັດທະນະ ທຳອັນເລິກເຊິ່ງແລະຊັບພະຍາກອນວັດທະນະທຳອັນອຸດົມສົມບູນ,ຫຼາຍມໍລະດົກວັດທະນະທຳທີ່ບໍ່ແມ່ນວັດຖຸຂອງຈີນແມ່ນຮ່ວມກັນຊົມໃຊ້ກັບປະເທດໃກ້ຄຽງ,ຈີນສະເໜີໃຫ້ສ້າງຕັ້ງຄະນະກຳມະການທີ່ກ່ຽວຂ້ອງ,ເພີ່ມທະວີການຮ່ວມມື,ຮ່ວມກັນຮ້ອງຂໍ,ຮ່ວມກັນອະນຸລັກ,ຊຸກຍູ້ການສືບທອດຂອງມໍລະດົກວັດທະນະທຳທີ່ບໍ່ແມ່ນວັດຖຸ.ທ່ານຍັງສະເໜີໃຫ້ຈັດກອງປະຊຸມເວທີປຶກສາຫາລືກ່ຽວກັບການອະນຸລັກມໍລະດົກວັດທະນະທຳທີ່ບໍ່ແມ່ນວັດຖຸຂອງອາຊີສອງປີລະເທື່ອໜຶ່ງ,ເພື່ອຊຸກຍູ້ວຽກງານອະນຸລັກແລະສືບທອດໃນຂົງເຂດນີ້ຂອງບັນດາປະເທດອາຊີ.
