ປະລິມານການຄ້າອັນໃຫຍ່ຫຼວງຢູ່ຕາມແມ່ນ້ຳລ້ານຊ້າງ-ແມ່ນ້ຳຂອງພາໃຫ້ກຸ່ມຄົນບໍ່ດີສົນໃຈນຳ
(GMT+08:00) 2011-10-10 17:30:12 cri
ເຫດການກ່ຽວກັບລູກເຮືອຈີນຖືກປຸ້ນຈີ້ສັງຫານຢູ່ແມ່ນ້ຳຂອງໄດ້ພາໃຫ້ທົ່ວໂລກເອົາໃຈໃສ່ນຳ.ນັກວິເຄາະເຫັນວ່າ,ໃນຊຸມປີມໍ່ໆມານີ້,ປະລິມານການຄ້າສົນສົ່ງສາກົນຕາມແມ່ນ້ຳລ້ານຊ້າງ-ແມ່ນ້ຳຂອງເຕີບໂຕຢ່າງຕໍ່ເນື່ອງ,ມູນຄ່າການຄ້າອັນໃຫຍ່ຫຼວງໄດ້ພາໃຫ້ກຸ່ມຄົນບໍ່ດີສົນໃຈນຳ.
ໃນບໍ່ເທົ່າໃດປີມານີ້,ຢູ່ຊາຍແດນມຽນມາກັບລາວຕາມແມ່ນ້ຳຂອງ,ທິດຈັງຫວັດຊຽງໄໝ່ຂອງໄທ,ພາກເໜືອເຂດນ້ຳສາມຫຼ່ຽມຄຳໄດ້ເກີດເຫດການເຮືອໄວຖືປືນປຸ້ນຈີ້ເຮືອການຄ້າເລື້ອຍໆ.
ເດືອນເມສາປີນີ້,ກຸ່ມປະກອບອາວຸດກຸ່ມໜຶ່ງໄດ້ຕິດຕາມເຮືອການຄ້າ3ລຳ,ຊຶ່ງເຮືອເຫຼົ່ານີ້ແມ່ນໂຮງກາຊີໂນແຫ່ງໜຶ່ງທີ່ຢູ່ເຂດສາມຫຼ່ຽມຄຳໃຊ້ເພື່ອນຳເຂົ້າສິນຄ້າຈາກຈີນ.ພວກປະກອບອາວຸດໄດ້ຈີ້ຕົວກັບຕັນແລະລູກເຮືອ29ຄົນເປັນຕົວປະກັນແລະຮຽກຮ້ອງໃຫ້ໂຮງກາຊີໂນຈ່າຍຄ່າໄຖ່3ແສນບາດ,ພາຍຫຼັງຕໍ່ລາຄາແລ້ວໃນທີ່ສຸດໄດ້ຕົກລົງຄ່າໄຖ່ເປັນ1ແສນ5ໝື່ນບາດ.
ວັນທີ22ສິງຫາປີນີ້,ຄະນະທ່ອງທ່ຽວຂອງບໍລິສັດທ່ອງທ່ຽວຄ່າງຮຸ່ຍຢຸນນານຈີນຈຳນວນນັກທ່ອງທ່ຽວ17ຄົນເດີນທາງດ້ວຍເຮືອຜ່ານເຂດນ້ຳແມ່ນ້ຳຂອງຊຶ່ງເປັນເຂດຊາຍແດນຕິດຕໍ່ກັນລະຫວ່າງໄທ,ລາວ,ມຽນມາ,ໄດ້ຖືກຜູ່ປະກອບອາວຸດທີ່ບໍ່ຮູ້ຖານະປຸ້ນຈີ້, ການປຸ້ນຈີ້ແກ່ຍາວເປັນເວລາປະມານ50ນາທີ,ພາຍຫຼັງເຂົາເຈົ້າປຸ້ນເອົາຊັບສິນຢູ່ເທິງເຮືອໃຫ້ໝົດກ້ຽງແລ້ວຈິ່ງປ່ອຍຄົນແລະເຮືອ.
ໂດຍພິຈາລະນາເຖິງສະຖານະການຄວາມປອດໄພຢູ່ທາງນ້ຳແມ່ນ້ຳລ້ານຊ້າງ-ແມ່ນ້ຳຂອງ,ປະເທດທີ່ກ່ຽວຂ້ອງໄດ້ເພີ່ມທະວີການປະຕິບັດງານຮ່ວມກັນ.ແຕ່ຕົ້ນປີນີ້ມາ,ໄທ,ມຽນມາແລະລາວໄດ້ເຊັນສັນຍາໂດຍຕົກລົງຮ່ວມກັນເພີ່ມກຳລັງປະກອບອາວຸດໃນການລາດຕະເວນເພື່ອຄຸ້ມຄອງເຮືອການຄ້າແລະເຮືອທ່ອງທ່ຽວທີ່ໄປມາຕາມເສັ້ນທາງເດີນເຮືອໄທ-ມຽນມາ-ລາວ-ຈີນຢູ່ເຂດນ້ຳສາມຫຼ່ຽມຄຳຂອງແມ່ນ້ຳຂອງເພື່ອຮັບປະກັນຄວາມປອດໄພໃນການເດີນເຮືອຂອງເຮືອການຄ້າ.ຈີນກໍ່ໄດ້ຍື່ນຮ່າງແຜນການປະສານງານຮັບມືແກ້ໄຂເຫດການທີ່ເກີດຂຶ້ນກະທັນຫັນໃນການຂົນສົ່ງທາງນ້ຳແມ່ນນ້ຳລ້ານຊ້າງ-ແມ່ນ້ຳຂອງຈີນ-ລາວ-ມຽນມາ-ໄທໃຫ້ແກ່ລາວ,ມຽນມາແລະໄທແລ້ວ,ແລະພະຍາຍາມສ້າງຕັ້ງກົນໄກປະສານງານຮັບມືກັບເຫດການສຸກເສີນໃນການຂົນສົ່ງສາກົນຕາມແມ່ນ້ຳຂອງ,ເພື່ອເພີ່ມທະວີການປະສານສົມທົບກັນຄຸ້ມຄອງການຂົນສົ່ງສາກົນ.ຈີນຍັງຈະເລີ່ມລົງມືປະຕິບັດໂຄງການກໍ່ສ້າງສູນຮັບມືສຸກເສີນແລະຊ່ວຍກູ້ໄພຕາມແມ່ນ້ຳລ້ານຊ້າງໃນປີນີ້.
