ທ່ານສີຈິ້ນຜິງກ່າວວ່າ:ຈີນມຽນມາຄວນແກ້ໄຂບັນຫາທີ່ເກີດຂຶ້ນໃນການຮ່ວມມືກັນດ້ວຍການປຶກສາຫາລືກັນຢ່າງມີໄມຕີຈິດ
(GMT+08:00) 2011-10-10 15:50:36 cri
ເນື່ອງໃນໂອກາດທີ່ການພົວພັນລະຫວ່າງຈີນກັບມຽນມາໄດ້ຮັບຄວາມສົນໃຈຢ່າງສູງຍ້ອນມຽນມາປະກາດແຕ່ຝ່າຍດຽວວ່າຈະໂຈະໄວ້ໂຄງການຮ່ວມມືສ້າງເຂື່ອນໄຟຟ້າມິດຊົງ,ວັນທີ 10 ຕຸລານີ້,ຢູ່ນະຄອນຫລວງປັກກິ່ງ,ທ່ານຊີຈິ້ນຜິງ,ຮອງປະທານປະເທດຈີນໄດ້ພົບປະກັບທ່ານວຸນນາ ມາວວິນ, ລັດຖະມົນຕີວ່າການກະຊວງການຕ່າງປະເທດມຽນມາທັງເປັນທູດພິເສດຂອງປະທານາທິບໍດີມຽນມາ.ທ່ານຊີຈິ້ນຜິງກ່າວວ່າ, ກ່ຽວກັບບັນຫາທີ່ເກີດຂຶ້ນໃນການຮ່ວມມືລະຫວ່າງຈີນມຽນມາ, ຫວັງໃຫ້ສອງຝ່າຍແກ້ໄຂຢ່າງເຫມາະສົມໂດຍຜ່ານການປຶກສາຫາລືຢ່າງມີໄມຕີຈິດມິດຕະພາບ, ເພື່ອຮັບປະກັນການພົວພັນຮ່ວມມືກັນໃນທຸກຂົງເຂດລະຫວ່າງຈີນກັບມຽນມາຂະຫຍາຍຕົວໄປຫນ້າເປັນຢ່າງດີ.
ທ່ານວຸນນາ ມາວວິນມາຢ້ຽມຢາມຈີນເທື່ອນີ້ຍັງໄດ້ນຳເອົາຈົດຫມາຍທີ່ ທ່ານເຕັນເຊັນ ປະທານາທິບໍດີມຽນມາຝາກໄປຍັງທ່ານປະທານຫູຈີນທາວ.
ທ່ານຊີຈິ້ນຜິງກ່າວວ່າ:ຈີນແລະມຽນມາຄວນຖະຫນຸຖະຫນອມສະພາບການທີ່ດີໃນປັດຈຸບັນທີ່ໄດ້ມາບໍ່ແມ່ນງ່າຍ, ແລະຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດຢ່າງເດັດດ່ຽວຫນຽວແຫນ້ນ,ເພື່ອບັນລຸການພັດທະນາຮ່ວມກັນ, ແລະສ້າງຄວາມສຸກໃຫ້ແກ່ປະຊາຊົນສອງປະເທດ.
ທ່ານວຸນນາ ມາວວິນກ່າວວ່າ,ທ່ານເຕັນເຊັນ, ປະທານາທິບໍດີມຽນມາກັບລັດຖະບານມຽນມາສຸດທີ່ຖະຫນຸຖະຫນອມການພົວພັນມິດຕະພາບລະຫວ່າງມຽນມາກັບຈີນ,ເອົາໃຈໃສ່ຢ່າງສູງນຳບັນຫາທີ່ຈີນເປັນຫ່ວງ,ມຽນມາຍິນດີປະສານງານກັບຈີນຢ່າງໃກ້ຊິດ,ເພີ່ມທະວີການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ເພີ່ມເນື້ອໃນໃໃຫມ່ຫ້ແກ່ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງມຽນມາກັບຈີນເລື້ອຍໆ.
