ສະພາສູງອາເມລິກາຈະລົງຄະແນນສຽງຕໍ່ອັນທີ່ວ່າ "ມະຕິຕິດຕາມການປະຕິຮູບອັດຕາແລກປ່ຽນເງິນຕາປີ 2011" ໃນວັນທີ 11 ຕຸລານີ້. ຖ້າມະຕິດັ່ງກ່າວໄດ້ຮັບຜ່ານໃນສອງສະພາ ແລະ ທ່ານປະທານາທິບໍດີໂອບາມາລົງນາມໃນມະຕິດັ່ງກ່າວແລ້ວ, ລັດຖະບານອາເມລິກາກໍສາມາດເກັບພາສີລົງໂທດແຕ່ຝ່າຍດຽວຕໍ່ສິນຄ້າຫຼາຍປະເພດທີ່ນຳເຂົ້າຈາກຈີນ.
ວັນທີ 10 ຕຸລານີ້, ທ່ານຄານ ແວັນເບິກ, ຫົວໜ້ານັກເສດຖະສາດສະມາຄົມຂ່າວຄາວເສດຖະກິດຄວາມຖີ່ສູງອາເມລິກາ ກ່າວວ່າ, ມະຕິດັ່ງກ່າວແມ່ນປັ່ນເລື່ອງເກົ່າ, ເພື່ອຊອກຫາແກະຮັບບາບໃຫ້ແກ່ສະພາບເສດຖະກິດຖົດຖອຍແລະອັດຕາຫວ່າງງານສູງຂອງອາເມລິກາໃນປັດຈຸບັນ.
ທ່ານກ່າວວ່າ, ຖ້າການກະທຳຂອງອາເມລິກາພາໃຫ້ຈີນມີການກະທຳຄ້າຍຄືກັນເພື່ອແກ້ແຄ້ນແລ້ວ, ກໍຈະຫຼີກບໍ່ພົ້ນການເກີດສົງຄາມການຄ້າ, ແລະກະທົບກະເທືອນເຖິງການສົ່ງອອກແລະການປະກອບອາຊີບຂອງສອງປະເທດ. ໃນນັ້ນມີຈຸດໜຶ່ງຕ້ອງເນັ້ນໜັກເຖິງ, ນັ້ນກໍຄື ສົງຄາມການຄ້າຈະທຳລາຍການເຕີບໂຕຂອງສອງປະເທດທີ່ເປັນອົງກອນເສດຖະກິດໃຫຍ່ກວ່າໝູ່ຂອງໂລກ.
