ກອງປະຊຸມຫົວຂໍ້ສະເພາະ10+3ຂອງເວທີປຶກສາຫາລືວັດທະນະທຳອາຊີອອກຖະແຫຼງການຈົງກິງ
(GMT+08:00) 2011-10-11 17:48:43 cri
ຕາມຂ່າວCRI:ວັນທີ11ຕຸລານີ້,ຢູ່ນະຄອນຈົງກິງຂອງຈີນ,ກອງປະຊຸມເວທີປຶກສາຫາລືວັດທະນະທຳອາຊີຄັ້ງປະຖົມມະເລີກໄດ້ອັດລົງ.ຜູ່ແທນທີ່ມາຈາກອົງການຄົ້ນຄວ້າສິລະປະຂອງບັນດາປະເທດອາຊີ,ເຊັ່ນ:10ປະເທດອາຊຽນ,ຈີນ,ຍີ່ປຸ່ນແລະສ.ເກົາຫຼີເປັນຕົ້ນໄດ້ເຂົ້າຮ່ວມກອງປະຊຸມຄັ້ງນີ້,ແລະໄດ້ຮ່ວມກັນເຊັນຖະແຫຼງການຂອງ"ກອງປະຊຸມຫົວຂໍ້ສະເພາະ10+3ຂອງເວທີປຶກສາຫາລືວັດທະນະທຳອາຊີ".
ຖະແຫຼງການສະໜັບສະໜູນເວທີປຶກສາຫາລືວັດທະນະທຳອາຊີກາຍເປັນເວທີປະຈຳທີ່ ແລກປ່ຽນຮອບດ້ານລະຫວ່າງວົງການວັດທະນະທຳສິລະປະຂອງອາຊີ,ແລະນຳໃຊ້ເວທີແຫ່ງນີ້,ດຳເນີນການຄົ້ນຄວ້າຫາລືກ່ຽວກັບຫົວຂໍ້ສຳຄັນໃນຂະບວນການພັດທະນາວັດທະນະທຳສິລະປະຂອງອາຊີເປັນເວລາປະຈຳ.ໃນໄລຍະປະຊຸມ,ຜູ່ແທນແລະຜູ່ຊ່ຽວຊານທີ່ມາຈາກປະເທດຕ່າງໆໄດ້ຄົ້ນຄວ້າຫາລືຢ່າງເລິກເຊິ່ງກ່ຽວກັບຫົວຂໍ້ທີ່ວ່າ:"ການແລກປ່ຽນຮ່ວມມືລະຫວ່າງອົງການວັດທະນະທຳສີລະປະຂອງອາຊີກັບການພັດທະນາຢ່າງກົມກຽວກັນຂອງວັດທະນະທຳອາຊີ"ແລະ"ການອະ ນຸລັກມໍລະດົກວັດທະນະທຳທີ່ບໍ່ແມ່ນວັດຖຸຂອງເຂດອາຊີປາຊິຟິກກັບການພັດທະນາຢ່າງຕໍ່ເນື່ອງຂອງວັດທະນະທຳອາຊີ"
