ທ່ານເວີ່ນເຈ່ຍປາວກ່າວວ່າ,ຈີນຍິນດີຮ່ວມກັບຣັດເຊຍທຳຄວາມພະຍາຍາມຫຼາຍກວ່າເກົ່າເພື່ອຮ່ວມກັນພັດທະນາການພົວພັນຄູ່ປະສານງານຍຸດທະສາດຮອບດ້ານ
(GMT+08:00) 2011-10-11 19:07:44 cri
ຕອນບ່າຍວັນທີ11ຕຸລານີ້,ການພົບປະເປັນປະຈຳຄັ້ງທີ16ລະຫວ່າງນາຍົກຈີນຣັດເຊຍໄດ້ຈັດຂຶ້ນຢູ່ປັກກິ່ງ.ກ່ອນການເຈລະຈາວົງກວ້າງ,ທ່ານເວີ່ນເຈ່ຍປາວ,ນາຍົກລັດຖະມົນຕີຈີນກ່າວວ່າ,ໃນການເຈລະຈາວົງແຄບທີ່ຫາກໍ່ອັດລົງ,ສອງຝ່າຍໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບຫຼາຍບັນຫາສຳຄັນທີ່ສົນໃຈຮ່ວມກັນ,ແລະໄດ້ບັນລຸຄວາມເຫັນທີ່ເປັນເອກະສັນກັນຢ່າງກວ້າງຂວາງ.ລັດຖະບານຈີນຍິນດີຮ່ວມກັບລັດຖະບານຣັດເຊຍທຳຄວາມ ພະຍາຍາມຫຼາຍກວ່າເກົ່າ,ຮ່ວມກັນສຸມກຳລັງເຂົ້າໃນການພັດທະນາການພົວພັນຄູ່ປະ ສານງານຍຸດທະສາດຮອບດ້ານທີ່ສະເໝີພາບກັນ,ໄວ້ເນື້ອເຊື່ອໃຈກັນ,ສະໜັບສະໜູນເຊິ່ງ ກັນແລະກັນ,ຈະເລີນຮ່ວມກັນ,ແລະມີໄມຕີຈິດມິດຕະພາບທຸກເຊັ່ນຄົນ.
ທ່ານປູຕິນ,ນາຍົກລັດຖະມົນຕີຣັດເຊຍກ່າວວ່າ,ຈີນຣັດເຊຍບໍ່ມີບັນຫາຫຍັງໃນການຮ່ວມມືໃນຂົງເຂດການເມືອງແລະວັດທະນະທຳ,ເພາະວ່າ,ການຮ່ວມມືລະຫວ່າງສອງຝ່າຍໃນຂົງເຂດເຫຼົ່ານີ້ໄດ້ບັນລຸລະດັບສູງທີ່ບໍ່ເຄີຍມີມາກ່ອນ.ທ່ານປູຕິນຍັງກ່າວວ່າ,ຍ້ອນວ່າສອງປະເທດມີຂະໜາດການຮ່ວມມືຢ່າງໃຫຍ່,ສະນັ້ນຈຶ່ງມັກມີບັນຫາທີ່ຕ້ອງການແກ້ໄຂໃນບາງຄັ້ງບາງຄາວ.ຣັດເຊຍຍິນດີຮ່ວມກັບຈີນຊອກຫາແຜນການແກ້ໄຂອັນໃໝ່ໃນບັນຫາທີ່ກ່ຽວຂ້ອງ.
