ໂຄສົກກະຊວງການຕ່າງປະເທດຈີນຮຽກຮ້ອງໃຫ້ລັດຖະບານອາເມລິກາ,ລັດຖະສະພາແລະວົງການຕ່າງໆເດັດດ່ຽວຄັດຄ້ານການໃຊ້ຄວາມກົດດັນໃສ່ບັນຫາອັດຕາແລກປ່ຽນຂອງເງິນຢວນຈີນດ້ວຍຮູບການນິຕິບັນຍັດພາຍໃນປະເທດ
(GMT+08:00) 2011-10-12 17:39:02 cri
ຕາມຂ່າວCRI:ວັນທີ12ຕຸລານີ້,ຢູ່ປັກກິ່ງ,ໃນເວລາຕອບຄຳຖາມຂອງນັກຂ່າວກ່ຽວກັບການທີ່ສະພາສູງອາເມລິກາຜ່ານຮັບຮອງຍັດຕິວ່າດ້ວຍອັດຕາແລກປ່ຽນເງິນຢວນຈີນ,ທ່ານມາຈ່າວຊູ້,ໂຄຊົກກະຊວງການຕ່າງປະເທດຈີນຮຽກຮ້ອງໃຫ້ລັດຖະບານອາເມລິກາ,ລັດຖະສະພາແລະວົງການຕ່າງໆຂອງອາເມລິກາເດັດດ່ຽວຄັດຄ້ານການໃຊ້ຄວາມກົດດັນໃສ່ບັນຫາອັດຕາແລກປ່ຽນເງິນຢວນຈີນດ້ວຍຮູບການວາງກົດໝາຍນິຕິບັນຍັດພາຍໃນປະເທດ,ເພື່ອປົກປັກຮັກສາການພົວພັນທາງດ້ານເສດຖະກິດການຄ້າລະຫວ່າງຈີນກັບອາເມລິກາໃຫ້ພັດທະນາຢ່າງປອດໄສ.
ທ່ານມາຈ່າວຊູ້ກ່າວວ່າ,ຈີນໄດ້ອະທິບາຍຫຼາຍເທື່ອກ່ຽວກັບນະໂຍບາຍທາງດ້ານອັດຕາແລກປ່ຽນເງິນຢວນຈີນ,ແລະໄດ້ສະແດງຫຼັກໝັ້ນຢ່າງເຄັ່ງຂຶມທີ່ເດັດດ່ຽວຄັດຄ້ານຍັດຕິວ່າດ້ວຍອັດຕາແລກປ່ຽນເງິນຢວນຈີນຂອງສະພາສູງອາເມລິກາ.ຍັດຕິສະບັບນີ້ຖືຂໍ້ອ້າງທີ່ວ່າ "ອັດຕາແລກປ່ຽນບໍ່ສະໝ່ຳສະເໝີກັນ",ທີ່ຈິງແລ້ວແມ່ນເພື່ອດຳເນີນການປົກປ້ອງເສດຖະກິດພາຍໃນປະເທດອາເມລິກາເອງ,ຊຶ່ງໄດ້ລະເມີດກົດລະບຽບຂອງອົງການການຄ້າໂລກຢ່າງຮ້າຍແຮງ.ນີ້ບໍ່ພຽງແຕ່ບໍ່ມີຜົນດີຕໍ່ການແກ້ໄຂບັນຫາທາງດ້ານເສດຖະກິດແລະການປະກອບວຽກເຮັດງານທຳຂອງອາເມລິກາເອງທໍ່ນັ້ນ,ຍັງເປັນການແຕະຕ້ອງເຖິງການພົວພັນທາງດ້ານເສດຖະກິດການຄ້າລະຫວ່າງຈີນອາເມລິກາຢ່າງຮ້າຍແຮງອີກດ້ວຍ,ແຕະຕ້ອງເຖິງສອງປະເທດຈີນອາເມລິກາແລະປະຊາຄົມໂລກທີ່ຮ່ວມກັນທຳຄວາມພະຍາຍາມເພື່ອເຮັດໃຫ້ເສດຖະກິດໂລກຟື້ນຕົວຢ່າງແຂງແຮງແລະມີການເຕີບໂຕ.
ວັນທີ12ຕຸລານີ້,ທ່ານເສີນຕ່ານຢາງ,ໂຄສົກກະຊວງການຄ້າຈີນກ່າວຄຳປາໄສຊີ້ອອກວ່າ,ໃນຂະນະທີ່ການຟື້ນຕົວຂອງເສດຖະກິດໂລກປະສົບການທົດສອບຢ່າງຂ້ຽວ ຂາດ,ສະພາສູງອາເມລິກາບັງຄັບໃຫ້ເງິນຕາຂອງປະເທດຄູ່ການຄ້າແຂງຄ່າຂຶ້ນດ້ວຍຮູບ ການນິຕິບັນຍັດນັ້ນ,ບໍ່ຕ່າງຫຍັງກັບໄດ້ສົ່ງສັນຍານອັນຜິດພາດທີ່ຍົກລະດັບການປົກປ້ອງການຄ້າ.ການກະທຳນີ້ໄດ້ລະເມີດລະບຽບການສາກົນຢ່າງຮຸນແຮງ.
ມື້ດຽວກັນນີ້,ໂຄສົກຂອງທະນາຄານກາງຂອງຈີນກ່າວວ່າ,ເດັດດ່ຽວຄັດຄ້ານສະພາສູງອາເມລິກາທີ່ຜ່ານຮັບຮອງຍັດຕິປະຕິຮູບອັດຕາແລກປ່ຽນ.
