ວັນທີ 12 ຕຸລານີ້ ຢູ່ນະຄອນຫຼວງປັກກິ່ງ, ທ່ານອູປາງໂກ,ປະທານສະພາປະຊາຊົນແຫ່ງຊາດຈີນ ໄດ້ພົບປະທ່ານວຼາດີເມຍ ປູຕິນ, ນາຍົກລັດຖະມົນຕີຣັດເຊຍທີ່ມາຢ້ຽມຢາມ.ທ່ານອູປາງໂກ ກ່າວວ່າ,ການພັດທະນາການພົວພັນລະຫວ່າງຈີນແລະຣັດເຊຍຢ່າງໝັ້ນໜຽວບໍ່ປ່ຽນແປງແມ່ນການຄັດເລືອກທາງຍຸດທະສາດຂອງຈີນ,ຈີນຈະຖືຣັດເຊຍເປັນຄູ່ຍຸດທະສາດຕົ້ນຕໍ ທີ່ສຳຄັນກວ່າໝູ່ຢ່າງສະເໝີຕົ້ນສະເໝີປາຍ.
ທ່ານອູປາງໂກຍັງຕີລາຄາຢ່າງຕັ້ງໜ້າຕໍ່ຄະນະກຳມະການການຮ່ວມມືລະ ຫວ່າງສະພາຈີນ-ຣັດເຊຍ ທີ່ໄດ້ຍົກລະດັບການຮ່ວມມືລະຫວ່າງອົງການນິຕິບັນຍັດຂອງສອງປະເທດໃຫ້ສູງຂຶ້ນຢ່າງໃຫຍ່.
ທ່ານປູຕິນ ກ່າວວ່າ, ການພັດທະນາການພົວພັນກັບຈີນ ແມ່ນທິດທາງພັດທະນາກ່ອນໝູ່ໃນນະໂຍບາຍການຕ່າງປະເທດຂອງຣັດເຊຍ,ບັນດາພັກການເມືອງແລະວົງການຕ່າງໆໃນສັງຄົມຂອງຣັດເຊຍມີຄວາມຮັບຮູ້ທີ່ເປັນເອກະສັນກັນຕໍ່ເລື່ອງນີ້, ແລະຈະບໍ່ມີການປ່ຽນແປງບໍ່ວ່າໃນເວລາໃດ.ຣັດເຊຍໃຫ້ຄວາມສຳຄັນແລະສະໜັບສະໜູນອົງການນິຕິບັນຍັດຂອງສອງປະເທດດຳເນີນການແລກປ່ຽນແລະຮ່ວມມືຢ່າງແໜ້ນແຟ້ນກວ່າເກົ່າ.
