ວັນທີ12ຕຸລານີ້,ຢູ່ທີ່ປັກກິ່ງ,ທ່ານເວີ່ນເຈ່ຍປາວ,ກຳມະການປະຈຳກົມການເມືອງສູນກາງພັກຄອມມູນິດຈີນ,ນາຍົກລັດຖະມົນຕີຈີນໄດ້ພົບປະທ່ານຫງວຽນຟູຈົ່ງ,ເລຂາທິການໃຫຍ່ສູນກາງພັກຄອມມູນິດຫວຽດນາມທີ່ມາຢ້ຽມຢາມ.ທ່ານເວີ່ນເຈ່ຍປາວກ່າວວ່າ,ສອງພັກສອງລັດຈີນຫວຽດນາມຄວນເພີ່ມຄວາມໄວ້ເນື້ອເຊື່ອໃຈກັນ,ປົກປັກຮັກສາຄວາມສາ ມັກຄີ,ເພີ່ມທະວີການຮ່ວມມື,ເພື່ອຮັບປະກັນໃຫ້ການພົວພັນຄູ່ຮ່ວມມືຍຸດທະສາດຮອບ ດ້ານຈີນຫວຽດນາມຈະຂະຫຍາຍໄປໜ້າຢ່າງປອດໄສ,ໝັ້ນທ່ຽງເປັນເວລາຍາວນານ.
ທ່ານຫງວຽນຟູຈົ່ງສະແດງຄວາມຍ້ອງຍໍສັນລະເສີນຕໍ່ຜົນສຳເລັດທີ່ຈີນໄດ້ຮັບນັບແຕ່ດຳເນີນການປະຕິຮູບແລະໄຂປະຕູສູ່ພາຍນອກ30ກວ່າປີມານີ້.ທ່ານກ່າວວ່າ,ຫວຽດນາມຍິນດີຮ່ວມກັນກັບຈີນ,ຕັ້ງໜ້າປະຕິບັດຕາມຄວາມເຫັນທີ່ເປັນເອກະສັນກັນອັນສຳຄັນຂອງຜູ່ນຳສອງປະເທດ,ປະຕິບັດຕາມແຜນການພັດທະນາ5ປີຂອງການຮ່ວມມືທາງດ້ານເສດຖະກິດການຄ້າທີ່ສອງປະເທດໄດ້ເຊັນກັນ,ລົງເລິກການແລກປ່ຽນບົດຮຽນດ້ານການປົກ ຄອງປະເທດ,ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມຈີນໃຫ້ໄດ້ຮັບໝາກຜົນຢ່າງແທ້ຈິງ.
