ວົງການທຸລະກິດຈີນຄັດຄ້ານຢ່າງຮຸນແຮງຕໍ່ຍັດຕິກົດໝາຍວ່າດ້ວຍອັດຕາແລກປ່ຽນເງິນຕາຂອງວຸດທິສະພາອາເມລິກາ
(GMT+08:00) 2011-10-14 18:55:41 cri
ວັນທີ13ຕຸລານີ້,ສະພາການຄ້າສາກົນຈີນຕາງໜ້າວົງການອຸດສາຫະກຳການຄ້າຈີນສະແດງຄວາມຄັດຄ້ານຢ່າງຮຸນແຮງຕໍ່ສະພາສູງອາເມລິກາທີ່ຜ່ານຮັບຮອງ"ຍັດຕິກົດໝາຍວ່າດ້ວຍການກວດກາການປະຕິຮູບອັດຕາແລກປ່ຽນເງິນຕາປີ2011"ທີ່ກ່ຽວພັນເຖິງອັດຕາແລກປ່ຽນເງິນຢວນຈີນ.
ໃນຖະແຫຼງການ,ສະພາການຄ້າສາກົນຈີນກ່າວວ່າ,ວຸດທິສະພາອາເມລິກາໄດ້ຜ່ານຮັບຮອງຍັດຕິກົດໝາຍສະບັບນີ້ແມ່ນບໍ່ໄດ້ເອົາຫົວຊານຳເລື່ອງຄວາມເປັນຈິງເພື່ອປ່ຽນ ແປງຄວາມກົດດັນທີ່ໄດ້ມາຈາກການປະກອບອາຊີບພາຍໃນປະເທດອາເມລິກາ,ທັງບໍ່ມີ ຄວາມເປັນທຳ,ທັງໄດ້ຝ່າຝືນລະບຽບການທີ່ກ່ຽວຂ້ອງຂອງອົງການການຄ້າໂລກຢ່າງໜັກໜ່ວງ.ນີ້ບໍ່ພຽງແຕ່ຈະບໍ່ສາມາດແກ້ໄຂບັນຫາຂອງອາເມລິກາ,ທີ່ມີເງິນສະສົມບໍ່ພຽງພໍ,ມີຂຸມການຄ້າແລະອັດຕາຄົນຫວ່າງງານສູງເທົ່ານັ້ນ,ຍັງຈະມີຜົນກະທົບຢ່າງໜັກໜ່ວງຕໍ່ການພັດທະນາຢ່າງໝັ້ນທ່ຽງຂອງການພົວພັນທາງດ້ານເສດຖະກິດການຄ້າລະຫວ່າງຈີນກັບອາເມລິກາຕື່ມອີກ.
ສະພາການຄ້າສາກົນຈີນຮຽກຮ້ອງໃຫ້ລັດຖະບານອາເມລິກາ,ລັດຖະສະພາ,ບຸກຄົນ ສຳຄັນໃນວົງການຕ່າງໆຕັ້ງໜ້າໃຊ້ມາດຕະການຢ່າງບັງເກີດຜົນ,ເພື່ອປ້ອງກັນບໍ່ໃຫ້ບັນຫາອັດຕາແລກປ່ຽນເງິນຕານັ້ນເລື່ອນລະດັບອີກແລະບໍ່ໃຫ້ລັດທິປົກປ້ອງການຄ້າຂອງອາເມລິກາແຜ່ຂະຫຍາຍກວ້າງອອກໄປ.
